პოლონეთმა სახელმწიფოს ტერიტორიაზე არალეგალურად მცხოვრები საქართველოს მოქალაქეების, კერძოდ, ქართველი კრიმინალების დეპორტაცია დაიწყო. ამის შესახებ მანამდე პოლონეთის პრემიერ-მინისტრმა დონალდ ტუსკმა განაცხადა.

5 მარტს ტვიტერში მან არალეგალურ ემიგრანტებს „ქართული ბანდები“ უწოდა. პოლონეთის ოფიციალური პირების განცხადებით, 5 მარტს ქვეყნიდან საქართველოს 17 მოქალაქე იქნა დეპორტირებული,

„დეპორტაცია დაიწყო. ჩვენ რეალურად ვანადგურებთ ქართულ ბანდებს. "არა სიტყვები, არამედ მოქმედებები", - დაწერა ტუსკმა.

პრემიერმა ტვიტერს თან ახლდა ვიდეო, სადაც ჩანს, რომ სასაზღვრო პოლიცია ქართველ არალეგალურ მიგრანტებს თვითმფრინავისკენ მიჰყავს.
„პოლონეთი ძალიან ტოლერანტული ქვეყანაა, მაგრამ ჩვენ არ შევეგუებით არანაირ დანაშაულს. „კრიმინალები აქ არ არიან მისასალმებელი და იქნებიან დეპორტირებული... იქნება ეს წვრილმანი ქურდობა, ნარკოტრაფიკი თუ ორგანიზებულ დანაშაულში მონაწილეობა“, - თქვა იაცეკ დობრჟინსკიმ, პოლონეთის საგარეო საქმეთა მინისტრის სპიკერმა.

პოლონეთის ოფიციალურმა პირებმა განაცხადეს, რომ 5 მარტს დეპორტირებული საქართველოს მოქალაქეები შედიოდნენ 24-დან 58 წლამდე ასაკის მამაკაცებს შორის, რომლებიც დეპორტაციისთვის იყვნენ მიყვანილი პოლონეთის სხვადასხვა კუთხიდან.
2025 წლის თებერვლის ბოლოს პოლონეთმა გამოაცხადა, რომ საქართველოს მოქალაქეები, რომლებიც დაარღვევდნენ კანონს, ქვეყნიდან გააძევებდნენ. მაშინ პოლონეთის პრემიერ-მინისტრმა დონალდ ტუსკმა გამოაცხადა, რომ პოლონეთში დაკავებული უცხოელი კრიმინალების დეპორტაცია მათი წარმოშობის ქვეყნებში, მათ შორის საქართველოში, განხორციელდება მარტის პირველ კვირაში.

ტუსკმა აღნიშნა, რომ გაძევება მოითხოვს შეთანხმებას იმ ქვეყნებთან, რომლებშიც დაკავებულ უცხოელებს გაგზავნიან - „კრიმინალები, რომლებმაც პოლონეთში ცხოვრების გზა იპოვეს კანონის დარღვევით“. დონალდ ტუსკის თქმით, „საუბარია ქართულ ბანდებზე, რომლებიც ძალიან აქტიურობენ პოლონეთში“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი