საზოგადოებრივი მაუწყებლის წარმომადგენლებმა შრომითი კონტრაქტი არ გაუგრძელეს „საზმაუს მცველების“ წევრს, ანა მეტრეველს. საზოგადოებრივი მაუწყებლის გადაწყვეტილება, რომლის მიზეზად ხარჯების ოპტიმიზაცია დასახელდა, აღიქმება როგორც მიმართვა იმ თანამშრომლების წინააღმდეგ, რომლებიც ღიად აკრიტიკებენ მაუწყებელს.

მოძრაობა „საზმაუს მცველები“ აღნიშნულ ფაქტს უპირისპირდება და აღნიშნავს, რომ ეს ნაბიჯი უშუალოდ იმ თანამშრომლების მიმართ არის მიმართული, რომლებიც საჯაროდ გამოთქვამდნენ კრიტიკას.

ანა მეტრეველმა გამოაცხადა, რომ მისი ბოლო სამუშაო დღე დღესაა. მაუწყებელმა აცნობა, რომ სამუშაო პირობების ცვლილების გამო, სატელევიზიო ეთერის აღდგენა ვერ ხერხდება, ხოლო მისი რადიოეთერში მუშაობის საჭიროება აღარ არსებობს.

„საზოგადოებრივმა მაუწყებელმა შრომითი კონტრაქტი არ გაუგრძელა საზმაუს მცველების წევრს, ანა მეტრეველს. დღეს მისი ბოლო სამუშაო დღეა.

საბაბად ხარჯების ოპტიმიზაციაა დასახელებული.

ანას თანხმობით ვასაჯაროებთ მის ხელფასს, რომელიც ხელზე 490 ლარს შეადგენდა.

ანას საზმაუს HR-მა აცნობა, რომ წინასწარ განსაზღვრულ ვადებში ვერ ხერხდება სატელევიზიო ეთერის აღდგენა, ვინაიდან ახალ შენობაში გადასვლა გაჭიანურდა, ხოლო გადაცემები, რომლებზეც ანა მუშაობს, რჩება რადიოეთერში, მაგრამ ანას პოზიციის, პროდიუსერის ასისტენტის საჭიროება აღარ არის.

მნიშვნელოვანია, რომ ეს გადაწყვეტილება არ იყო შეთანხმებული ანა მეტრეველის უშუალო პროდიუსერებთან, რომლებიც ამბობენ, რომ ყოველდღიურად ორი რადიოეთერის ორგანიზებას სჭირდება ასისტენტი.

არხის მენეჯმენტმა ვერ უზრუნველყო დროული გადასვლა ახალ შენობაში, რომელიც 100 მილიონზე მეტი დაჯდა, ოპტიმიზაციას კი მცირეხელფასიანი თანამშრომლის გაშვებით ახდენს.

ჩვენ ამ ფაქტს საზმაუს მცველების წევრების წინააღმდეგ მიმართულ აქტად აღვიქვამთ, ღიად გამოხატული კრიტიკის გამო.“ - ნათქვამია მათ მიერ გავრცელებულ ინფორმაციაში.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ