საქართველოს განათლების, მეცნიერებისა და ახალგაზრდობის მინისტრი, ალექსანდრე წულაძე, ეხმაურება გერმანიის საელჩოს მიერ გავრცელებულ განცხადებას, რომლის თანახმად, გერმანიის განათლებისა და კვლევის ფედერალური სამინისტრო აჩერებს თანამშრომლობას საქართველოს განათლების სამინისტროსა და სხვა უწყებებთან.

წულაძე აღნიშნავს, რომ აღნიშნული გადაწყვეტილება არ ვრცელდება სტუდენტთა, მკვლევართა და აკადემიური პერსონალის გაცვლით პროგრამებზე, ერთობლივ კვლევით პროექტებსა და სასტიპენდიო პროგრამებზე, მათ შორის, არც Erasmus+-ისა და DAAD-ის პროგრამებზე.

„ხაზგასმით მსურს კიდევ ერთხელ აღვნიშნო, რომ ეს განცხადება ეხება მხოლოდ და მხოლოდ ორი უწყების – საქართველოს განათლების, მეცნიერებისა და ახალგაზრდობის სამინისტროსა და გერმანიის განათლებისა და კვლევის ფედერალურ სამინისტროს შორის სამომავლო თანამშრომლობის დროებით შეჩერებას“, - განაცხადა ალექსანდრე წულაძემ.

მან ასევე აღნიშნა, რომ პირადად მას ეს განცხადება გამაოგნებელი აღმოჩნდა, და რომ მოგვიანებით უფრო დეტალურად ისაუბრებს იმ პოლიტიკურ მიზნებზე და ინტერესებზე, რომლებიც მისი შეფასებით, ამ ნაბიჯს უკავშირდება.

მინისტრმა პირობა დადო, რომ მომავალი თანამშრომლობის საკითხზე განაგრძობს მუშაობას და ამასთანავე, ყველა აქტიური საერთაშორისო პროგრამა გრძელდება.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს