გურიაში არსებულ მძიმე ვითარებაზე სტიქიის ზონაში ჩასული კოალიცია "ძლიერი საქართველოს" წევრებიც საუბრობენ.

როგორც ვატო სურგულაძე ამბობს, მთავარ პრობლემას გაუწმენდელი გზები წარმოადგენს,  სწორედ ამიტომ, მისივე განმარტებით, კოალიციის იდეაა, რომ იქირაონ მძიმე ტექნიკა და ხალხს დაეხმარონ.

სურგულაძე აღნიშნავს, რომ დღეს ოზურგეთში შექმნილ საგანგებო შტაბში 200-ზე მეტი ზარი შევიდა. მოსახლეობის დიდ ნაწილს აღმოუჩინეს დახმარება, მიაწოდეს საკვები და მედიკამენტები.

ვითარება საკმაოდ მძიმეა. 200-ზე მეტი ზარი მივიღეთ ცხელ ხაზზე, ამ ზარების ანალიზს ვაკეთებთ, რა არის სასწრაფო, რამ შეიძლება მოიცადოს. დღეს ბევრი გასვლა გვქონდა. მივაწოდეთ მედიკამენტები, საკვები, სადაც შეიძლება მიწოდება და გზა გვაძლევს საშუალებას. ახლაც გუნდი მუშაობს, რომელიც ეხმარება ეზოს გათოვლაში ადამიანებს. იმიტომ რომ სახლიდან ვერ გამოდის მოხუცი ადამიანი, რომ ჭიშკრამდე მივიდეს. ძირითადი პრობლემა არის გზები, რადგან მანქანა ვერ მიდის. ტექნიკა თუ არ მივიდა და გზა არ გათავისუფლდა ჩვენ ვერ მივალთ. იდეაა, რომ ვიქირაოთ მძიმე ტექნიკა და ხალხს დავეხმაროთ, რომ დროულად გავწმინდოთ გზები. ამოცანაა, რომ ხალხს დავეხმაროთ. ", - ამბობს ვატო სურგულაძე.

ცნობისთვის, კოალიცია „ძლიერმა საქართველომ“ ოზურგეთში, საგანგებო შტაბი შექმნა. როგორც "პირველებს" პარტიის პრესსამსახურში განუცხადეს, შტაბი განახორციელებს  მოხალისეების მობილიზებას  -  საუბარია გურიის რეგიონზე. 

კოალიციაში აცხადებენ, რომ ეს შტაბი მოახდენს მათ შორის სხვადასხვა  რეგიონიდან  ჩასული მოხალისეების კოორდინაციას ასევე - გურიისკენ უკვე მიემართებიან ძლიერი საქართველოს ლიდერებიც საჭიროების შემთხვევაში, თქვენ შეგიძლიათ დაუკავშირდეთ მითითებულ ნომრებს.

ცხელი ხაზი: 

551 787 777, 599 938 484, 577 503 009

მისამართი: 

ოზურგეთი, ჭავჭავაძის 8

ავტორი: ექსპრესნიუსი,

სოციალური ქსელები

ივნისში წლიური ინფლაციის დონემ 5.8% შეადგინა - საქტატი

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90