ევროკავშირის ელჩი არჩევნებში დამარცხდა, კოლექტიური „ნაცმოძრაობის“ სასარგებლოდ „ქართული ოცნების“ წინააღმდეგ კამპანიას ღიად აწარმოებდა, არც ერთხელ არ დაუგმია ის ძალადობრივი მიტინგები, რომლებიც საქართველოში იმართებოდა, –  ამის შესახებ საქართველოს პრემიერმა, ირაკლი კობახიძემ განაცხადა.

მისი თქმით, აქედან გამომდინარე, ევროკავშირის ელჩი ძალადობის თანამონაწილეა და აგრძელებს ძალადობის წახალისებას, თუმცა მისი ეს მცდელობა აღარ არის წარმატებული.

„ევროკავშირის ელჩი არჩევნებში დამარცხდა და მისი მდგომარეობა გამოწვეულია ამ ყველაფრით. გახსოვთ, კოლექტიური „ნაცმოძრაობის“ სასარგებლოდ კამპანიას ღიად აწარმოებდა, „ქართული ოცნების“ საწინააღმდეგოდ. იცით, არც ერთხელ არ დაუგმია მას ის ძალადობრივი მიტინგები, რომლებიც საქართველოში იმართებოდა. აქედან გამომდინარე, ეს ადამიანიც, სამწუხაროდ, არის ძალადობის თანამონაწილე და აგრძელებს ძალადობის წახალისებას, თუმცა მისი ეს მცდელობა ამ შემთხვევაში აღარ არის წარმატებული. ქართულმა საზოგადოებმა ყველაფერი იცის, ქართულმა საზოგადოერბამ იცის, თუ რა მდენად „მშვიდობიანი“ იყო მიტინგები, რომლებიც იმართებოდა საქართველოში ნოემბრის ბოლოს – დეკემბრის დასაწყისში, ქართულმა საზოგადოებამ ძალიან კარგად იცის, მთლიანობაში როგორი რეაგირება ჰქონდა ამ ყველაფერზე ქართულ სახელმწიფოს. ჩვენ მოვახერხეთ და აღვკვეთეთ ის ძალადობა, რომელსაც ჰქონდა შორს მიმავალი გეგმები, მთავარი მიზანი იყო ხელისუფლებაში კოლექტიური „ნაცმოძრაობის“ დაბრუნება, რაც, ბუნებრივია, ქართულმა სახელმწიფომ არ დაუშვა“, – განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს