შინაგან საქმეთა სამინისტრომ გამოაქვეყნა განცხადება, რომელშიც განიხილება მედიასაშუალებებით გავრცელებული ინფორმაცია თბილისში მიმდინარე აქციების დროს ტრანსპორტის სავალი ნაწილის ხელოვნურად გადაკეტვის შესახებ. როგორც სამინისტრო აცხადებს, „შეკრებებისა და მანიფესტაციების შესახებ“ საქართველოს კანონის მიხედვით, ტრანსპორტის სავალი ნაწილის გადაკეტვა მხოლოდ იმ შემთხვევაში არის დასაშვები, თუ შეკრების ან მანიფესტაციის მონაწილეთა რაოდენობა ამას მოითხოვს.

„დარღვევის შემთხვევაში, აღნიშნული მოქმედება წარმოადგენს ადმინისტრაციულ სამართალდარღვევას და გათვალისწინებულია ადმინისტრაციული სამართალდარღვევათა კოდექსის 174-ე პრიმა მუხლით, რაც გულისხმობს 5 000 ლარის ოდენობის ჯარიმას ან ადმინისტრაციულ პატიმრობას 15 დღემდე ვადით“, – ნათქვამია განცხადებაში.

მათივე თქმით, ბოლო პერიოდში თბილისში რუსთაველის გამზირზე გამართულ აქციებზე გარკვეული პირები მიზანმიმართულად და ხელოვნურად ახდენენ გზის გადაკეტვას, რაც არ საჭიროებს შეკრების მონაწილეთა რაოდენობას.

„მუდმივად მიმდინარეობს დარღვევის იდენტიფიცირება და სამართალდარღვევათა კოდექსის შესაბამისად, შესაბამისი ზომების მიღება“, – აღნიშნავენ შინაგან საქმეთა სამინისტროში.

ასევე, უწყება ამატებს, რომ ადმინისტრაციული ჯარიმის წინააღმდეგ გასაჩივრების უფლება ყველა დარღვევას აქვს.

„თუ პირი არ ეთანხმება საჯარიმო ქვითარს, იგი უფლებამოსილია გაასაჩივროს საქართველოს კანონმდებლობით დადგენილი წესით, ამასთან, შინაგან საქმეთა სამინისტრო უზრუნველყოფს ყველა ფაქტის დეტალურ გამოკვლევას და მის საფუძველზე მიიღებს შესაბამის გადაწყვეტილებას“, – ნათქვამია განცხადებაში.

ავტორი: ექსპრესნიუსი,

სოციალური ქსელები

ევროკავშირმა ნავალნის მოწამვლაში მონაწილეობისთვის ექვს რუს პირს სანქციები დაუწესა

5 ივლისს „თეგეტა მოტორსში“ გაორმაგების დღეა

გაორმაგების დღე Galleria Tbilisi-ში - 5 ივლისს PLUS ქულებით გადახდისას 50%-იანი ფასდაკლებით ისარგებლებთ

„სელფი“ Tbilisi Open Air 2026-ის ტელეკომ პარტნიორია