სამოქალაქო აქტივისტებმა თემურ ქათამაძის მხარდასაჭერად პეტიცია შექმნეს - მოქალაქეები ბათუმის აქციების მედროშეს მოუწოდებენ, რომ შიმშილობა შეწყვიტოს. 

პეტიცია დაახლოებით ორი საათის წინ შეიქმნა და ამ დროისთვის მას 1100-ზე მეტი ხელმომწერი ჰყავს. 

მან [თემურ ქათამაძემ] ბოლოს გამოქვეყნებული წერილით უარი განაცხადა შიმშილობის შეწყვეტაზე და მისი თქმით სიცოცხლის ფასად აპირებს გააგრძელოს ეს ყოველივე. რადგან მისთვის საქართველოსთვის თავის გაწირვა საამაყოა.

ჩვენ, სამოქალაქო საზოგადოებას, ამ პეტიციით გვსურს ვთხოვოთ, რომ შეწყვიტოს შიმშილობა, რადგან ჩვენი ქვეყნისთვის ბრძოლაში ჩვენ თითოეული თანამებრძოლი ჯანმრთელი და ცოცხალი გვჭირდება”, – ვკითხულობთ პეტიციის აღწერაში.

უკვე 35 დღეა, რაც თემურ ქათამაძე შიმშილობს. გუშინ, 19 თებერვალს, მან მიგრაციის დროებითი დაკავების ცენტრიდან წერილი გამოაგზავნა, სადაც წერს, რომ არ აპირებს შიმშილობის შეწყვეტას. გარდა ამისა, ის პროტესტის ნიშნად, უარს ამბობს ანალიზების გაკეთებაზე.

თემურ ქათამაძე, ბათუმის საპროტესტო აქციების მედროშე, ბათუმის პოლიციის სამმართველოსთან 11 იანვარს დააკავეს, ის 12 დღე იყო იზოლატორში. თემურ ქათამაძე იზოლატორიდან გამოსვლისთანავე დააკავეს და ამ დრომდე შსს-ს მიგრაციის დროებითი განთავსების იზოლატორში იმყოფება.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან