რუსეთის საგარეო საქმეთა მინისტრმა, სერგეი ლავროვმა განაცხადა, რომ საქართველოს წარმომადგენლებისთვის სკამი ყოველთვის იქნება „3+3 ფორმატის“ სხდომათა დარბაზში. მისი თქმით, ეს გადაწყვეტილება გატარებული იყო ჯერ კიდევ თავდაპირველად, როდესაც ყველა მხარე შეთანხმდა, რომ „3+3“ ფორმატი იქნება.

„ჩვენ გვესმის საქართველოს ეჭვები და ნიუანსები, მაგრამ საქართველოს წარმომადგენლებისთვის სკამი ყოველთვის იქნება ამ ფორმატის სხდომათა დარბაზში“, - აღნიშნა ლავროვმა.

მან ასევე აღნიშნა, რომ აღნიშნული მიდგომის კონსტატაცია მოხდა ბოლო შეხვედრაზე: „ქართულ მხარეს დავუდასტურეთ, რომ კარი ღიაა, სკამი დგას“.

ლავროვი მიიჩნევს, რომ საქართველოს ამჟამინდელი ხელისუფლება „ქვეყნის ეროვნულ ინტერესებს“ იცავს. მისი აზრით, „3+3“ ფორმატი ყველა მონაწილე ქვეყნის ინტერესებს ემსახურება, რაც არ აკმაყოფილებდა აშშ-ის ყოფილ ადმინისტრაციას. ლავროვი აღნიშნავს, რომ აშშ ცდილობდა „3+1“ ფორმატის წამოწევას, რაც გულისხმობდა სამხრეთ კავკასიის ქვეყნებთანერთად აშშ-ის მონაწილეობას.

„3+3 ფორმატი“ მოიცავს რეგიონის ქვეყნებს: რუსეთს, ირანს, თურქეთს, სომხეთს, აზერბაიჯანს და საქართველოს. მისი შექმნის ინიციატივა თურქეთის პრეზიდენტ რეჯეფ თაიფ ერდოღანს ეკუთვნის. პირველი შეხვედრა 2021 წლის დეკემბერში მოსკოვში გაიმართა, თუმცა საქართველომ ამ შეხვედრებში მონაწილეობაზე უარი განაცხადა.

ავტორი: ექსპრესნიუსი,

სოციალური ქსელები

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ

ისწავლე საქართველოს ბანკის ნიკა გუჯეჯიანის სახელობის სტიპენდიით ახლა უკვე მადრიდში