სამი დაკავებული სტუდენტიდან ერთ-ერთი, გიორგი ბარბაქაძე ხელწერილის და სიტყვიერი გაფრთხილების საფუძველზე სასამართლო დარბაზიდან გაათავისუფლეს.

გადაწყვეტილება რამდენიმე წუთის წინ მოსამართლე ნინო ენუქიძემ გამოაცხადა.

უფლებადამცველის თქმითვე, დაკავების მომენტში გიორგი ბარბაქაძის მიმართ სიტყვიერ შეურაცხყოფას და არაადამიანურ მოპყრობას ჰქონდა ადგილი.

სასამართლო პროცესზე დღეს მოწმე პოლიციელები გამოიკითხნენ, რომლებმაც ადვოკატის თქმით, ურთიერთსაწინააღმდეგო ჩვენებები მისცეს.

„ვინ დაიჭირა გიორგი ბარბაქაძე, არ იცოდნენ, რა მოქმედებები განახორციელდა, ვინ სად იდგა. დღეს პოლიციელებს საერთოდ არ ახსოვდათ რის საფუძველზე დააკავეს გიორგი, შესაბამისად საქმეები იკერება", - აცხადებს ადვოკატი.

შეგახსენებთ, რომ გიორგი ბარბაქაძეს, არჩილ გოჩიტაიშვილს და ლუკა ხიზაძეს გომელაურის უწყება პოლიციის დაუმორჩილებლობას ედავება. სამივე სტუდენტი ორი დღის წინ ჭავჭავაძის გამზირზე დააკავეს, თუმცა ახალგაზრდები ამტკიცებენ, რომ დაუმორჩილებლობას ადგილი არ ქონია.

ავტორი: ექსპრესნიუსი,

სოციალური ქსელები

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები

კალაძე ოპოზიციაზე: თავიდანვე გასაგები იყო, რომ ეს ერთობა განწირული იყო მარცხისთვის

კალაძე აცხადებს, რომ სოციალურ ქსელებში სტატუსები, განცხადებები, უნდა დარეგულირდეს

გაეცანით საქართველოს ბანკის განახლებულ საერთაშორისო სასტიპენდიო პროგრამებს