26 ადამიანი დააკავეს, თბილისში, იმერეთსა და სამეგრელოში. ინფორმაციას შინაგან საქმეთა სამინისტრო ავრცელებს.

სამინისტროს ცნობით, 6 მათგანს წაყენებული აქვს „ქურდული სამყაროს“ წევრობის ბრალდება. ამ ექვს ადამიანს შორის არიან ადამიანები, ზედმეტსახელებით „პაჭო“, „მესსტო“ და „კოჭო“;

11 ადამიანი დაკავებულია „ქურდულ შეკრებაში მონაწილეობის" ბრალდებით. მათს შორის არიან ადამიანები, ზედმეტსახელებით „კარატე“, „ბუძგა“ და „ტეკია“;

6 მათგანი დაკავებულია „ქურდული სამყაროს“ საქმიანობის მხარდაჭერის“ ბრალდებით.

3 ადამიანი დაკავებულია „ქურდული სამყაროს წევრისთვის მიმართვის“ ბრალდებით.

ამ 26 ადამიანის გარდა, შსს-ს ინფრომაციით, კიდევ ერთი ადამიანია დაკავებული - ცეცხლსასროლი იარაღის უკანონო შეძენა-შენახვის ბრალდებით.

გარდა ამისა, „კანონიერი ქურდობის“ გამო ბრალი დაუსწრებლად წარედგინა საზღვარგარეთ მყოფ რამდენიმე პირს.

შსს მხოლოდ მათ სახელებს წერს საჯაროდ.

ესენი არიან:

ჯეირან კინწურაშვილი, დაბადებული 1977 წელს;

კაკო ტუღუში, მეტსახელად „ენცო“, - დაბადებული 1987 წელს;

მამუკა ჩხაბერიძეს, მეტსახელად „მამუკა ხონსკი“, - დაბადებული 1976 წელს.

ბრალდებები 15 წლამდე პატიმრობას ითვალისწინებს.

შინაგან საქმეთა სამინისტრო აცხადებს, რომ ფარული გამოძიება რამდენიმე თვის განმავლობაში გრძელდებოდა.

პოლიციის პრესცენტრის ცნობით, „ქურდული სამყაროს“ წევრები და მხარდამჭერები მოქალაქეთა შორის ფინანსურ დავებს „აგვარებდნენ“.

„ბრალდებულები პირადი სარგებლის მიღების მიზნით, საზღვარგარეთ მყოფ „კანონიერ ქურდებს“ უკავშირდებოდნენ და „ქურდულ გარჩევებს“ აწყობდნენ.“ გამოძიების თანახმად, ბრალდებულები „ქურდული ტრადიციების“ შესაბამისად, „გადაწყვეტილებებს იღებდნენ და ერთ-ერთ მოდავე მხარეს მეორის, ასევე, თავიანთ სასარგებლოდ თანხის გადახდას აკისრებდნენ“.- - წერს შსს.

ავტორი: ექსპრესნიუსი,

სოციალური ქსელები

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები

კალაძე ოპოზიციაზე: თავიდანვე გასაგები იყო, რომ ეს ერთობა განწირული იყო მარცხისთვის

კალაძე აცხადებს, რომ სოციალურ ქსელებში სტატუსები, განცხადებები, უნდა დარეგულირდეს

გაეცანით საქართველოს ბანკის განახლებულ საერთაშორისო სასტიპენდიო პროგრამებს