„სანამ ეს ყველა ადამიანი არ იქნება თვისუფალი, ვერც მე ვიქნები“- 2 თებერვალს, „თბილისი მოლთან“ მიმდინარე საპროტესტო აქციაზე დაკავებული აქტივისტი, ირაკლი წიგნაძე სოციალურ ქსელში სასამართლოში, მოსაცდელ საკანში დატოვებულ წარწერაზე წერს, რომელიც, მისი ვარაუდით, სინდისისი პატიმარს, ზვიად ცეცხლაძეს ეკუთვნოდა.

წიგნაძის თქმით,  მიუხედავად, გირაოს სანაცვლოდ გათავისუფლებისა, ვიდრე ყველა პატიმარი არ გათავისუფლდება, მათთვის ბრძოლას გააგრძელებს.

„უამრავი მაქ დასაწერი ამ ცირკზე, მაგრამ ეხლა ამის თქმა მინდა: გავიმარჯვებთ სახელოვნად ზ.ც.-

ეს წარწერა დამხვდა სასამართლოში რომ მივედი, მოსაცდელ საკანში, ალბათ ზვიად ცეცხლაძის დაწერილია. მაგ დროს სულ სხვანაირ ხოდზე ვიყავი, მთელი დღე მზია ამაღლობელზე ვფიქრობდი და ვემზადებოდი შიგნიდან ბრძოლისთვის. ორმაგი გული მომცა ამ წარწერამ.

მერე ზევით ავედი და მითხრეს, რომ გირაოთი გავიდოდი. ძალიან გამიხარდა, რა თქმა უნდა, მაგრამ თან ცოტა დაბნეულიც ვიყავი, იმდენად სხვა რამისთვის ვემზადებოდი. მალევე ქვევით ჩამაბრუნეს, იმიტომ რომ სასამართლო დარბაზი იცვლებოდა და ისევ ამ წარწერასთან აღმოვჩნდი, რამაც ძალიან დამასევდიანა. გამახსენდა რომ კიდევ ათეულობით ჩემსავით ადამიანი ისევ ციხეში ყავს რეჟიმს და კიდე კაცმა არ იცის რამდენი ხანი ეყოლება.

ხოდა, სანამ ეს ყველა ადამიანი არ იქნება თვისუფალი, ვერც მე ვიქნები და გავაგრძელებ მათთვის ბრძოლას ბოლომდე. თავისუფლება რეჟიმის პატიმრებს!“, - წერს წიგნაძე.

 

ავტორი: ექსპრესნიუსი,

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები