პოლიტსაბჭოს დღევანდელი სხდომის დღის წესრიგში კოალიციის მომავალი არ განიხილება, - ამის შესახებ ფრაქცია „მრეწველების“ წევრმა პოლიტსაბჭოს დაწყებამდე ჟურნალისტებს განუცხადა.

მისი თქმით, პრემიერს ცოტა დრო აქვს, შესაბამისად პოლიტსაბჭო სულ ერთი საათის განმავლობაში გაგრძელდება.

„ცოტა ხნის წინ პრემიერმა ასეთი განცხადება გააკეთა, რომ ის „რესპუბლიკურ პარტიას“ შეხვდება, ასევე სხვა პარტიებსაც. შეხვდება ცალ-ცალკე და პოლიტსაბჭოზე კოალიციის მომავალი ამის შემდეგ განიხილება.

„ნებისმიერი არჩევნების წინ იქმნება საარჩევნო ბლოკი, რომელსაც ჩვენ ახლა კოალიციას ვეძახით და ერთმანეთთან გარკვეულ ხელშეკრულებებს აფორმებენ იმაზე, თუ როგორ უნდა იმუშაონ“, - დასძინა ტყემალაძემ.

მისივე თქმით, კოალიციის მომავალზე საუბარი ნაადრევია. ხოლო პოლიტსაბჭოს დღის წესრიგით ქორწინების წესდება განიხილება, კონკრეტულად კი ის უნდა ჩაიწეროს თუ არა კონსტიტუციაში რომ ოჯახი არის ქალისა და მამაკაცის ერთობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად