„ნაციონალური მოძრაობის“ სამართლებრივი შეფასებისთვის საგამოძიებო კომისია ოთხშაბათს, პლენარულ სხდომაზე, დადგენილებით დაფუძნდება, – ამის შესახებ პარლამენტის თავმჯდომარემ, შალვა პაპუაშვილმა ბრიფინგზე განაცხადა.
პაპუაშვილის თქმით, საგამოძიებო კომისიასთან თანამშრომლობა არა რომელიმე ადამიანის ნებაა, არამედ სისხლის სამართლის კოდექსით გათვალისწინებული ვალდებულებაა.

„ფრაქცია „ქართულმა ოცნებამ“ დააინიცირა საგამოძიებო კომისია, რომელიც ოთხშაბათს, პლენარულ სხდომაზე დადგენილებით დაფუძნდება. გათვალისწინებული იქნება კვოტები პოლიტიკური ჯგუფებისთვის, ფრაქციებისთვის, დაკომპლექტდება უკვე შემადგენლობით და დაიწყებს მუშაობას. ჩვენ ვაპირებთ, რომ საგაზაფხულო სესიის ბოლომდე, ექვსი თვის განმავლობაში, საგამოძიებო კომისიამ იმუშაოს, და სექტემბერში შევაჯამოთ მისი შედეგები. საშემოდგომო სესიის დაწყებამდე უნდა მივიღოთ დადგენილება კომისიის საქმიანობის შესახებ“, – განაცხადა პაპუაშვილმა.
რაც შეეხება კომისიასთან თანამშრომლობას, პაპუაშვილის განმარტებით, ეს არის კანონის მიხედვით არსებული ვალდებულება. პირი, რომელიც დაბარებული იქნება საგამოძიებო კომისიის მიერ, ვალდებულია გამოცხადდეს და მისცეს ჩვენება. ცოტა ხნის წინ, პოლონეთში საპარლამენტო საგამოძიებო კომისიაში ყოფილმა იუსტიციის მინისტრმა არ გამოცხადა, ის დააკავეს და მიიყვანეს კომისიაში. საგამოძიებო კომისიას აქვს სპეციალური, საკონსტიტუციო სტატუსი, და ამ კომისიას აქვს განსაკუთრებული უფლებამოსილებები, მათ შორის სისხლის სამართლის კოდექსით დაცული ფუნქციონირება. ყველა ვალდებულია ითანამშრომლოს კომისიასთან და მისცეს ჩვენება. დარწმუნებული ვარ, რომ ყველა ის პირი, რომელიც დაბარებული იქნება, მოვლენ და მისცემენ შესაბამის ჩვენებებს. თუ არაფერი აქვთ დასამალი და არ ფიქრობენ, რომ დანაშაული აქვთ ჩადენილი, რატომ არ უნდა უნდოდეთ, რომ საჯაროდ უპასუხონ იმ კითხვებს, რომლებიც დღემდე პასუხგაუცემელია საზოგადოებისთვის?“ – განაცხადა პაპუაშვილმა.

ავტორი: ექსპრესნიუსი,

სოციალური ქსელები

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია