დღეს, 27 იანვარს, სახალხო დამცველის წარმომადგენელმა ციხეში მზია ამაღლობელი მოინახულა. ამის შემდეგ, ლევან იოსელიანმა მისი მდგომარეობის შესახებ ისაუბრა. სახალხო დამცველი ამბობს, რომ მზია ამაღლობელი ამჟამად თავს ნორმალურად გრძნობს.

"მზია ამაღლობელი თავს ნორმალურად გრძნობს. 12 იანვრიდან ის საკვებს არ იღებს [...] ჩვენ მისი განთავსების პირობები ვიცით - ამ პირობებთან დაკავშირებით, მას არანაირი პრეტენზია არ გამოუთქვამს. ქალბატონ მზიას არც ადმინისტრაციის მხრიდან დამოკიდებულებასა და მოპყრობაზე აქვს პრეტენზია. მისი ჯანმრთელობის მონიტორინგი რეგულარულად ხდება და კვლევები უტარდება. ექიმი მასთან დღეში სამჯერ შედის და ინფორმაციას იღებენ. 

ასევე, ჩვენმა წარმომადგენელმა ყველა ის დოკუმენტი ნახა, რაც სამედიცინო თვალსაზრისით, ამ პერიოდში შეადგინეს. ეს დოკუმენტაცია გამოვითხოვეთ და იმედია, ამ დღეებში მოგვაწვდიან. ჩვენი წარმომადგენელი პენიტენციური სამსახურის ექიმსაც ესაუბრა, ვინც იქ იმყოფება და დამატებითი ინფორმაცია მისგანაც მიიღო". - თქვა ლევან იოსელიანმა.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა