თბილისის საქალაქო სასამართლოს მოსამართლე ნინო ენუქიძე განიხილავს მსახიობ ანა ტყებუჩავას ადმინისტრაციულ საქმეს. შსს მას ედავება 9 იანვარს აქციაზე გზის ხელოვნურად გადაკეტვას, როცა ხალხის საკმარისი რაოდენობა არ იყო. 

სხდომაზე ანა ტყებუჩავამ სასამართლოს მიმართა:

 „პირველ რიგში ვიტყვი, რომ რუსთაველზე დგომა არის მნიშვნელოვანი. ვიცავთ ამ ქვეყნის ევროპულ მომავალს და შემდეგ, სამწუხაროდ, ამას დაემატა უსამართლოდ დაკავებული ადამიანები, რომელთა გათავისუფლებასაც ვითხოვთ, ეს როგორც მოქალაქე. [...]
ცნობილი სახე ვარ, ამ პასუხისმგებლობას ვგრძნობ და ყოველთვის ვცდილობ, კარგი მაგალითი ვიყო განსაკუთრებით მოზარდებისთვის, რომლებიც ყოველთვის, როცა რაღაც არასწორს ვაკეთებ, გაფართოებული თვალით მიყურებენ ხოლმე. ამის ერთ-ერთი მიზეზია ის, რომ საჯაროდ სიგარეტის მოწევასაც თავი დავანებე, იმიტომ, რომ მართლა გაოცებული მიყურებდნენ ეს ბავშვები. [...] 
ჩემი, როგორც მსახიობის კავშირი ამ მოვლენებთან, პირველ რიგში არის ის, რომ ნული იქნება ჩემი, როგორც მსახიობის ფასი, თუ ჩემთვის სულერთი იქნება ამ ქვეყანაში კანონი თანაბარი იქნება თუ არა ყველასთვის. და როდესაც ამ პროფესიას ირჩევ, პირველ რიგში, ადამიანური მიზეზია, რომ გინდა შენი უსამართლობის განცდა უფრო ცხადად მიაწოდო, შენი ხმა გააგონო. შემდეგ ცხოვრება, სამწუხაროდ, გვთავაზობს კიდევ სხვა უსამართლობებს, რაზეც შენ სცენიდან ესაუბრები შენს მაყურებლებს. ამიტომ მე არ ვიქნები მართალი, ძალიან არასწორი ვიქნები, თუ ვისაუბრებ უსამართლობაზე და არ დავიჯერებ, რომ შეიძლება სიმართლემ გაიმარჯვოს, არ მექნება იმედი; იმიტომ, რომ ეს არის ჩემი, როგორც მსახიობის, პირველი დანიშნულება, რომ სხვას მივცე იმედი და სხვას მოვუწოდო, რომ მის არასწორ საქციელს, შეიძლება ბევრი ცუდი რამ მოჰყვეს. ეს არის ჩემი, როგორც მსახიობის პოზიცია. ახლო წარსულში იყო ასეთი მაგალითი, მე ვთამაშობდი უკანონოდ დაპატიმრებული ახალგაზრდის დედას. როგორ შემიძლია სხვას ვაჩვენო ეს ტრაგედია, თუ რა ხდება ასეთ დროს იმ ადამიანების ოჯახში, თუკი მე გულგრილი ვიქნები და არ ვიქნები ასეთი ადამიანების გვერდში, არ გავიზიარებ მათ პრობლემებს“.

ავტორი: ექსპრესნიუსი,

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა