შინაგან საქმათა სამინისტროსთან  ჟურნალისტების საპროტესტო აქცია გაიმართა. მედიის წარმომადგენლები  მოითხოვენ, ირაკლი დგებუაძეს შეუჩერდეს აჭარის ა/რ პოლიციის დეპარტამენტის ბათუმის საქალაქო სამმართველოს უფროსის უფლებამოსილება.

ჟურნალისტები თვლიან, რომ მოძალადე პოლიციის უფროსი თანამდებობიდან უნდა გადადგეს შემდეგ კი პატიმრობაში მიეცეს. ჟურნალისტის ნინია კაკაბაძის განცხადებით, რომ ახლა მოქალაქეებმა ყველაფერი უნდა გააკეთონ იმისთვის, რომ უკანონოდ დაპატიმრებულებს საპყრობილის კარი გაუხსნან. 

"ყველაფერი მიდის ზუსტად იმ სცენარით, როგორც მიდიოდა რუსეთში. ყველაფერი განმეორდება ისე, როგორც ეს იყო რუსეთში. ჩვენ არ გვჭირდება მკითხაობა, რა იქნება. ჩვენ უნდა ჩავხედოთ რა იყო რუსეთში და გადმოვიტანოთ იმიტომ, რომ ყველაფერი, რაც იყო რუსეთში, იგივე მეორდება'', - ამბობს ნინია კაკაბაძე.

„თავისუფლება მზია ამაღლობელს“, „მედიასთან ომს ვერ მოიგებთ“ – ამ და სხვა შინაარსის ბანერები აქვთ ადგილზე მიტანილი მედიის წარმომადგენლებს.

ადგილზე სხვადასხვა ტელემაუწყებლობის ჟურნალისტები, წამყვანები, საინფორმაციო სამსახურის უფროსები და სხვადასხვა სააგენტოს ჟურნალისტები იმყოფებოდნენ.

ჟურნალისტები და სამოქალაქო საზოგადოების წარმომადგენლები მიიჩნევენ, რომ მზია ამაღლობელი ისჯება ჟურნალისტური საქმიანობისთვის, ამიტომ მოითხოვენ მის დაუყოვნებლივ გათავისუფლებას.

ავტორი: ექსპრესნიუსი,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი