ამერიკის შეერთებული შტატების სახელმწიფო მდივანმა ენტონი ბლინკენმა CBS News-თან ინტერვიუში განაცხადა, რომ ამერიკის მოქმედი ადმინისტრაცია ყოველ ღონეს ხმარობს, რათა დონალდ ტრამპის ადმინისტრაციისთვის უზრუნველყოს ძლიერი პოზიციები საგარეო პოლიტიკაში, მათ შორის უკრაინასთან დაკავშირებით.

კრიტიკოსების შიშების თაობაზე, რომ ტრამპის პრეზიდენტობის პირობებში ომი შეიძლება არ დასრულდეს უკრაინის სასარგებლოდ, ბლინკენმა თქვა, რომ „მოცემულ ეტაპზე სპეკულირებას არცერთი ჩვენგანისთვის არა აქვს აზრი.“

„რასაც აქვს აზრი, არის ის, რომ ვიყოთ დარწმუნებული, რომ შემდეგ ადმინისტრაციას, ტრამპის მომავალ ადმინისტრაციას, გადავცემთ ყველაზე ძლიერ პოზიციებს იმისთვის, რომ მან შეძლოს პოლიტიკის რეალიზება მთელს მსოფლიოში - უკრაინისა თუ სხვა საკითხებში“, მოჰყავს ბლინკენის სიტყვები BBC-ს.

გასულ კვირაში ტრამპმა განაცხადა, რომ მისი გუნდი უკვე მუშაობს რუსეთის პრეზიდენტ ვლადიმირ პუტინთან მისი შეხვედრის ორგანიზებაზე.

ავტორი: ექსპრესნიუსი,

სოციალური ქსელები

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider

პენტაგონი ირანში სახმელეთო შეჭრის ალბათობას უშვებს