ვასო აბაშიძის სახელობის ახალი თეატრიდან მსახიობები საპროტესტო მარშით დაიძრნენ - ხელოვანებს რიგითი მოქალაქეებიც შეუერთდნენ, რომლებიც საზოგადოებრივ მაუწყებელთან კვირების განმავლობაში უწყვეტ აქციებს მართავდნენ. 

პროტესტის ავანგარდში მოქცეული ადამიანები პარლამენტისკენ მიემართებიან, სადაც ევროპული მომავლის მცველების ნაწილთან ერთად დადგებიან და ივანიშვილის რეჟიმს როგორც ხელახალი არჩევნების დანიშვნას, ასევე უკანონოდ დაკავებულების გათავისუფლებას მოსთხოვენ. 

მსახიობ გიორგი ბოჭორიშვილის თქმით, უნდა დაისაჯოს ყველა ის ადამიანი, რომელიც პასუხისმგებელია ამ ყველაფერზე რაც ქვეყანაში ხდება.

"რეჟიმი აუცილებლად დაიხევს უკან. გამოსავალიც არ აქვთ, უკან დახევის საშუალებაც არ აქვთ. რაც უფრო არ აქვთ, მით უფრო მეტ შეცდომას უშვებენ. ფაქტია, რომ ხალხი მიიღებს იმას, რაც უნდა. ამათ უკან დახევა მოუწევთ. გადატყდებიან ხერხემალში დღეს თუ არა ხვალ, ხვალ თუ არა ზეგ", - ამბობს გიორგი ბოჭორიშვილი. 

მსახიობმა ეკა დემეტრაძემ განაცხადა რომ ხელისუფლება ცდილობს, რომ პოლიციური-ძალადობრივი რეჟიმი დაგვიკანონ,

"რასავ ვხედავთ არის რეჟიმის დაკანონება. ისინი ცდილობენ, რომ პოლიციური-ძალადობრივი რეჟიმი დაგვიკანონ, მაგრამ არ გამოუვათ, ჩვენ ამისთვის ყველაფერს გავაკეთებთ", - ამბობს ეკა დემეტრაძე. 

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა