19 წლის ვისხან თაზურკაევი ჩეჩნეთის ქალაქ არგუნიდან პოლიციის განყოფილებაში გატაცებისა და წამების შემდეგ გარდაიცვალა, განუცხადა კავკაზ რეალის" წყარომ. ინფორმაციას ოპოზიციური მოძრაობა Niyso-ს აქტივისტებიც ადასტურებენ.

აქტივისტების თქმით, თაზურკაევი სამუშაო ადგილიდან გაიტაცეს და არგუნის რაიონის შინაგან საქმეთა სამმართველოში დააკავეს, სადაც ის ელექტროშოკით აწამეს. როგორც კავკაზ რეალი წერს, გარდაცვალებამდე გაათავისუფლეს და სახლში მიიყვანეს. გარდაცვალების ოფიციალური მიზეზი უეცარი ავადმყოფობა გახდა. Niyso-ს ინფორმაციით,, მისი ცხედარი ახლობლებს უკვე გადასცეს და უსაფრთხოების ძალებმა სიკვდილის მიზეზი თვითმკვლელობის დასახელება მოითხოვეს.

შინაგან საქმეთა სამინისტროს არგუნის დეპარტამენტის უფროსი არის პოლიციის ლეიტენანტი პოლკოვნიკი ზაურ ნასუხანოვი, ახმატისა და თერეკის სწრაფი რეაგირების განყოფილების ყოფილი თანამშრომელი, რომელსაც ხელმძღვანელობს რამზან კადიროვის უახლოესი თანამოაზრე აბუზაიდ ვისმურადოვი.

როგორც „კავკაზ რეალი" იტყობინება არგუნის პოლიციის განყოფილებაში წამების ფაქტი პირველი არაა.: 2021 წლის გაზაფხულზე, სოფელ კომსომოლსკოეს 26 წლის მკვიდრი, აკრამან ტატაევი, განყოფილებაში დაახლოებით სამი კვირის განმავლობაში იმყოფებოდა ბრალის წაყენების გარეშე.

ავტორი: ექსპრესნიუსი,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს