თბილისში და საქართველოს სხვადასხვა ქალაქში „ერთობის ჯაჭვი“ შეიკრა.

ერთობის ჯაჭვი საქართველოსთვის - ამ წუთებში პროტესტის კერა ვახუშტის, თამარ მეფის, ზაარბრიუკენის, გალაკტიონის, ბარათაშვილის, მშვიდობისა და მეტეხის ხიდებზეა.  

საქართველოს მოქალაქეებს ქვეყნის მასშტაბით გაბმული აქვთ „ერთობის ჯაჭვი“, რითაც ქვეყნის ევროპული არჩევანის მიმართ მხარდაჭერას აფიქსირებენ.

„ერთობის ჯაჭვში“ მოქალაქეებს თან აქვთ საქართველოსა და ევროკავშირის დროშები.

გალაქტიონის ხიდზე გაკეთებულ ცოცხალ ჯაჭვში "საერთაშორისო გამჭვირვალობა საქართველოს" ხელმძღვანელი, ეკა გიგაურიც ჩადგა. 

მესამე სექტორის წარმომადგენელი "პირველებთან" ამბობს, რომ მთელი ქვეყნის მასშტაბით მიმდინარე უწყვეტი პროტესტი დასტურია იმისა, რომ თავისუფლებისთვის მებრძოლი მოქალაქეები დანებებას არ აპირებენ. 

ყველანი ერთად ვართ ჩვენი ქვეყნისთვის ბრძოლაში და როდესაც ასეთი ერთობაა, წარმოუდგენელია ეს ბრძოლა წავაგოთ. მგონია, რომ მნიშვნელოვანია, რომ ხალხი არ იღლება. რა თქმა უნდა, ეს პერფორმანსი და ასეთი ტიპის აქციები არის ძალიან მნიშვნელოვანი, იმისთვის რომ ვიზუალურადაც ვანახოთ ყველას, რომ ჩვენ არ ვიღლებით'', - ამბობს ეკა გიგაური.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა