საქართველოს პრეზიდენტი და პრეზიდენტის ინსტიტუტი სარგებლობს სრული მხარდაჭერით კოალიციური პროევროპული პარტიებისგან,- ამის შესახებ კოალიცია „ძლიერი საქართველოს“ წარმომადგენელმა, ირაკლი კუპრაძემ ბრიფინგზე განაცხადა.

როგორც კუპრაძემ აღნიშნა, „ივანიშვილის რუსული რეჟიმოს ძალადობას მხოლოდ და მხოლოდ ერთი დამოუკიდებელი და ლეგიტიმური სახელმწიფო ინსტიტუტი - პრეზიდენტის ინსტიტუტი გადაურჩა“.

„საქართველო და საქართველოს მოქალაქეები აგრძელებენ ბრძოლას თავისუფლებისთვის, დემოკრატიისთვის და ევროპული მომავლისთვის. საქართველოს პრეზიდენტმა, სალომე ზურაბიშვილმა კიდევ ერთხელ დაადასტურა, რომ ის ქართველ ხალხთან ერთად მტკიცედ დგას საკუთარ პოზიციაზე და აქვს ორი მთავარი და მნიშვნელოვანი მოთხოვნა - ეს არის ახალი არჩევნები და პოლიტპატიმრების გათავისუფლება. 

ფაქტობრივი მოცემულობაა, რომ დღეს ივანიშვილის რუსული რეჟიმოს ძალადობას გადაურჩა მხოლოდ და მხოლოდ ერთი დამოუკიდებელი და ლეგიტიმური სახელმწიფო ინსტიტუტი - პრეზიდენტის ინსტიტუტი, სალომე ზურაბიშვილი. 

ერთადერთი შანსი და შესაძლებლობა ახალი არჩევნების დანიშვნის არსებობს, რომ სწორედ ამ ლეგიტიმური ინსტიტუტიდან დაიწყოს ჩვენს ქვეყანაში დემოკრატიის და თავისუფლების გაცოცხლება.

სალომე ზურაბიშვილი მტკიცედ დგას საკუთარ პოზიციაზე, რომ მხარს დაუჭერს ამ ორ მთავარ მოთხოვნას და ის არ აპირებს, დათმოს ლეგიტიმაცია, რაც აქვს შერჩენილი საქართველოს პრეზიდენტის ინსტიტუტს.

ჩვენ ვაგრძელებთ ბრძოლას და რუტინულ წინააღმდეგობას, როგორც დედაქალაქში, ასევე საქართველოს სხვადასხვა ქალაქში. ეს წინააღმდეგობა იქნება მტკიცე. საქართველოს პრეზიდენტი და პრეზიდენტის ინსტიტუტი სარგებლობს სრული მხარდაჭერით კოალიციური პროევროპული პარტიებისგან“,- განაცხადა კუპრაძემ.

ავტორი: ექსპრესნიუსი,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები