საპროტესტო აქციაზე დაშავებული 21 წლის ბიჭი, ალექსანდრე თირქია, რომელიც მკურნალობას ინგოროყვას კლინიკაში გადის, ხელოვნური კომიდან ბოლომდე გამოვიდა. ამის შესახებ ინფორმაციას ჟურნალისტი და ტელეწამყვანი ნანუკა ჟორჟოლიანი ავრცელებს.

როგორც ჟორჟოლიანი სოციალურ ქსელ „ფეისბუქის“ ჯგუფ „დაიტოვეში“ წერს, თირქიას დღეს რეანიმაციული განყოფილებიდან ინტენსიურ განყოფილებაში გადაიყვანენ.

„ალექსი ბოლომდე გამოვიდა კომიდან. დღეს გადაჰყავთ უკვე ინტენსიურში. ფრაგმენტული მეხსიერების პრობლემები აქვს, მაგრამ ექიმები ამბობენ, რომ დრო და რეაბილიტაცია სჭირდება“,- წერს ჟორჟოლიანი.

შეგახსენებთ, ექიმების ინფორმაციით, საპროტესტო აქციაზე დაშავებულ ალექსანდრე თირქიას სკალპის ღია ჭრილობა, შუბლის ძვლის და თვალბუდის და ზედა კიდის კედლის მოტეხილობა, ასევე, შუბლის წილის კონტუზიური დაზიანება აღენიშნებოდა. ექიმის განცხადებით, პაციენტს თავის ტვინის გარსებში ტრავმული სისხლჩაქცევებიც აღენიშნებოდა, რის გამოც, ოპერაცია ჩაუტარდა. ამის შემდეგ ის მედიკამენტოზური ძილის ქვეშ იმყოფებოდა. თირქია სამედიცინო დაწესებულებაში 3 დეკემბრიდან იმყოფება.

ავტორი: ექსპრესნიუსი,

სოციალური ქსელები

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები