მოსკოვში 4 წლის გოგონას მკლელობაში ბრალდებული ძიძა დაკავებულია, - ამის შესახებ ინფორმაციას სააგენტო TASS-ი ავრცელებს.

როგორც გამოძიებამ დაადგინა, გულჩეხრა ბობოკულოვამ აღიარებითი ჩვენება უკვე მისცა და მზად არის გამოძიებასთან ითანამშრომლოს.

როგორც სააგენტო "ინტერფაქსი" იუწყება, მოკლული ბავშვის სახლში ბრალდებულის მონაწილეობით საგამოძიებო ექსპერიმენტი მიმდინარეობს.

პირველადი შედეგებით დადგინდა, რომ ბავშვის მკვლელობის მიზეზი ძიძის ფსიქიკური აშლილობაა, რომელიც ქმართან კონფლიქტის შედეგად წარმოიშვა. მშობლების თქმით, ძიძა 1 წლის განმავლობაში მუშაობდა ოჯახში და მასთან პრეტენზიები არასდროს ჰქონიათ, თუმცა ბოლო პერიოდის განმავლობაში ბრალდებულს ქმართან პრობლემები ჰქონდა და საკმაოდ გაღიზიანებული იყო.

შეგახსენებთ, გუშინ საცხოვრებელ კორპუსში ხანძარი გაჩნდა. სახანძრომ, ცეცხლის ჩაქრობისას, ერთ-ერთ ბინაში ბავშვის ცხედარი იპოვა, რომელსაც თავი ჰქონდა მოკვეთილი.

მალევე სამართალდამცველებმა ქალი დააკავეს, რომელსაც ხელში ბავშვის მოკვეთილი თავი ეჭირა. ქალი მეტროში, ალაჰ აკბარს ყვიროდა და თავის აფეთქებით იმუქრებოდა.

სამართალდამცველებმა ქალს ასაფეთქებელი მოწყობილობა ვერ აღმოუჩინეს. დაკავების შემდეგ გაირკვა, რომ ის ნარკოტიკული ნივთიერებების ზეგავლენის ქვეშ იმყოფებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი