ასამბლეა კატეგორიულად გმობს მშვიდობიანი დემონსტრანტების წინააღმდეგ სასტიკ ზეწოლას, რაც გამოხატვისა და შეკრების თავისუფლების ფუნდამენტური უფლებების დარღვევაა,- ამის შესახებ ნათქვამია განცხადებაში, რომელსაც ევროპის საბჭოს საპარლამენტო ასამბლეის (PACE) მუდმივმოქმედი კომიტეტი საქართველოში განვითარებულ მოვლენებთან დაკავშირებით ავრცელებს.

როგორც განცხადებაშია აღნიშნული, „აქციის მონაწილეთა უმეტესობა დააკავეს და მათ ბრალი წაუყენეს საბჭოთა პერიოდის ადმინისტრაციულ სამართალდარღვევათა კოდექსის დებულებებით“.

„საპარლამენტო ასამბლეა, რომელიც დღეს ლუქსემბურგში იკრიბება როგორც მუდმივმოქმედი კომიტეტი, შეშფოთებას გამოხატავს საქართველოში შექმნილი ვითარების გამო, რომლითაც მთავრობამ ევროკავშირთან გაწევრიანების მოლაპარაკებების შეჩერების შესახებ გამოაცხადა. ამ გადაწყვეტილებამ, შესაძლოა, მნიშვნელოვანი გავლენა იქონიოს საქართველოში კანონის უზენაესობის განმტკიცებისა და დემოკრატიული ინსტიტუტების ფუნქციონირებისათვის აუცილებელი რეფორმების განხორციელებაზე.

ასამბლეა კატეგორიულად გმობს მშვიდობიანი დემონსტრანტების წინააღმდეგ სასტიკ ზეწოლას, რაც გამოხატვისა და შეკრების თავისუფლების ფუნდამენტური უფლებების დარღვევაა.

ასამბლეა შეშფოთებით აღნიშნავს, რომ აქციის მონაწილეთა უმეტესობა დააკავეს და მათ ბრალი წაუყენეს საბჭოთა პერიოდის ადმინისტრაციულ სამართალდარღვევათა კოდექსის დებულებებით და იხსენებს, რომ მოითხოვა ამ კანონის შეცვლა ახალი, ევროპული სტანდარტების კანონის შესაბამისად",- ნათქვამია განცხადებაში.

ასამბლეა მოუწოდებს საქართველოს, „დარჩეს ევროპული ღირებულებების ერთგული და ნაკისრი ვალდებულებები სრულად შეასრულოს“.

„ეს მოვლენები მით უფრო შემაშფოთებელია 26 ოქტომბრის საპარლამენტო არჩევნების ფონზე, რომელიც ჩატარდა ისეთ გარემოში, რომ არ უქმნიდა აუცილებელ პირობებს ამომრჩეველს, „გაეკეთებინა ინფორმირებული, დაშინებისა და ზედმეტი ზეწოლისგან თავისუფალი არჩევანი“ - როგორც ნათქვამია გუშინ გავრცელებულ, არჩევნებზე დამკვირვებელთა ანგარიშში.

ასამბლეა მოუწოდებს საქართველოს, დარჩეს ევროპული ღირებულებების ერთგული და სრულად შეასრულოს ნაკისრი ვალდებულებები.

ასამბლეა მზადაა, განაგრძოს მუშაობა ევროპის საბჭოს გენერალურ მდივანსა და მინისტრთა კომიტეტთან მჭიდრო თანამშრომლობით საქართველოს ხელისუფლებასთან, დემოკრატიულ ძალებსა და სამოქალაქო საზოგადოებასთან, განსაკუთრებით ახალგაზრდებთან“,- აღნიშნულია განცხადებაში, რომელიც PACE-მ 29 ნოემბრის სხდომაზე მიიღო.

ავტორი: ექსპრესნიუსი,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times