მოვუწოდებ ყველას, დაუმორჩილებლობა და საერთო ეროვნული გაფიცვა დავიწყოთ,- ასე მიმართა კოალიცია „ძლიერი საქართველოს“ ლიდერმა, მამუკა ხაზარაძემ რუსთაველის გამზირზე მიმდინარე საპროტესტო აქციაზე შეკრებილ ადამიანებს.

როგორც ხაზარაძემ აღნიშნა, ყველამ თავისი არჩევანი უნდა გააკეთოს.

„დღეს უნდა ემსახურებოდნენ საქართველოს ეროვნულ ინტერესებს, დგანან ქართველი ხალხის წინააღმდეგ. მე მინდა, ძალიან მოკლედ გითხრათ ჩემი კონკრეტული ხედვა - პირველ რიგში, მადლობა მინდა გადავუხადო, თუმცა სამადლობელი არაფერია, საგარეო სამინისტროს იმ თანამშრომლებს, რომლებმაც გამოაცხადეს პროტესტი. ჩვენ, ქართველები ვართ ემოციური ხალხი და გვინდა, მივაღწიოთ საქმეს ძალიან მალე. მინდა გითხრათ, რომ დღეს არის ორი საქართველო - ერთი ამ ბანდის სახით, რომელიც რუსებისა და პუტინის სამსახურშია და მეორე - თავისუფალი საქართველო, რომელიც აქ არის. შუაში აღარაფერი არ არის. ამიტომ, არჩევანი ყველამ უნდა გააკეთოს, პირველ რიგში, არჩევანი უნდა გააკეთონ იმ ადამიანებმა, რომლებიც მსახურობენ საჯარო სექტორში. რუსთაველის გამზირზე არ წყდება საქართველოს ბედი, გამოსვლები დაიწყო საქართველოს სხვადასხვა ქალაქში.

მე მოვუწოდებ ყველას, ამ გეგმას და ჩვენ ხედვას შემოგთავაზებთ, უკვე იქმნება შტაბი. მთელი ღამე იმუშავებს, მაგრამ გეგმა არის ერთი - უნდა დავიწყოთ საერთო ეროვნული გაფიცვა და დაუმორჩილებლობა. შუალედი არ არსებობს. ვინმეს არ ეგონოს, ილუზიაში არ ჩავარდეს არავინ, შემდეგი გადაწყვეტილება იქნება სამს პლიუს სამში საქართველოს შეკრება და ამას არ დავუშვებთ. ამ დანაშაულს, რაც დღეს ჩაიდინეს, ამას ვერ ვაპატიებთ ჩვენ თავს, ვერ ვაპატიებთ ჩვენ მომავალ თაობას. დღეს ჩვენ ოფიციალურად წაგვართვეს საქართველოს დამოუკიდებობისთვის ნაბრძოლი ბიჭების სისხლი, შრომა, თავგანწირვა და დღეს, კიდევ ვიმეორებ, მათ გადააფორმეს საქართველო კანონით, გადააფორმეს რუსეთზე. მივმართავ ავტობუსის მძღოლებს, სკოლაში მასწავლებლებს, მივმრთავ სტუდენტებს, მივმართავ მოსწავლეებს სრული დაუმორჩილებლობა. მე ვარ აქ, თქვენთან ერთად, რიგითი ჯარისკაცი, რიგითი ერთი ქართველი. არანაირი პარტიები არ არსებობს. დღეს არსებობს საქართველოს მოქალაქე და თავისუფლება. გაუმარჯოს საქართველოს. არავითარ შემთხვევაში არ დავთმობთ ამ ქვეყანას“,- განაცხადა მამუკა ხაზარაძემ.

ავტორი: ექსპრესნიუსი,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ