2024-11-24 16:56:50, 450 ნახვა

---

„ბიძინა წადი! მე ვრჩები!“ - ქალთა მარშის მონაწილეებმა ივანიშვილის სახლის მიმდებარედ სიმბოლურად ჩემოდნები დატოვეს [ვიდეო]

ქალთა მარშის მონაწილეები თბილისში, „ქართული ოცნების“ საპატიო თავმჯდომარის, ბიძინა ივანიშვილის სახლთან მივიდნენ.

როგორც „ექსპრესნიუსის“ კორესპონდენტი ადგილიდან იტყობინება, მსვლელობის მონაწილეები მმართველი პარტიის დამფუძნებლის სასახლის მიმდებარე ტერიტორიაზე სიმბოლურად ტოვებენ ჩემოდნებს, წარწერებით: „ბიძინა წადი! მე ვრჩები!“, „არა იძულებით ემიგრაციას“.

ისინი სკანდირებენ: „წადი, წადი“.

მანამდე, მარშის მონაწილეებმა საზოგადოებას მანიფესტიც გააცნეს.

მსვლელობა, რომლის ორგანიზატორებიც ქალთა მოძრაობა და ქალთა ინტერპარტიული ჯგუფი არიან, თავისუფლების მოედანზე, 15:00 საათზე დაიწყო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი