უკრაინის შეიარაღებული ძალების საჰაერო ძალებმა განაცხადეს, რომ რუსეთმა ასტრახანის რეგიონიდან დნეპრის გასწვრივ კონტინენტთაშორისი ბალისტიკური რაკეტა (ICBM) გაუშვა. ეს არის ამ ტიპის რაკეტის პირველი საბრძოლო გამოყენება, რომლის მთავარი ამოცანაა ბირთვული მუხტის მიწოდება აფეთქების წერტილამდე დიდ მანძილზე. ამავდროულად, აშკარაა, რომ თუ ICBM გაშვებული იყო, ის იყო ბირთვული ქობინის გარეშე.

ამრიგად უკრაინა პირველი ქვეყანაა მსოფლიოში, რომლის წინააღმდეგაც გამოიყენეს საკონტინენტთაშორისო ბალისტიკური რაკეტა.
ასევე ცნობილი ხდება, რომ Рубеж-ის 6 ინდივიდუალური ბლოკი არ იყო საბრძოლო თავაკებით აღჭურვილი და მხოლოდ ძალის დემონსტრირებას ემსახურებოდა რუსეთის მხრიდან, წერს Defence Express-ი.

არსებული ინფორმაციით, დარტყმა განხორციელდა ქ.დნიპროს სიახლოვეს - უცნობია რა იყო სამიზნე და რამდენად ზუსტად მოხვდა მიზანს, თუმცა თუ გავითვალისწინებთ რაკეტის აცდენის დიაპაზონს - 200მ-ს და იმას, რომ რუსებმა ისროლეს ჩვეულებრივი საბრძოლო ქობინით, რომლის წონა სავარაუდოდ 1.2 ტონაა, დარტყმა იყო წარუმატებელი და მხოლოდ პროპაგანდისტული მიზნებისთვის გათვლილი,

სამხედრო ანალიტიკოსი იან მატვეევი ხაზს უსვამს, რომ ჩვეულებრივი ქობინით გაშვებისას ის ვერ შეძლებს გაცილებით მეტი ზიანის მიყენებას, ვიდრე X-22 რაკეტა ან FAB-1500 საჰაერო ბომბი. ანალიტიკოსი ასევე წერს, რომ RS-26 არის ICBM-ის ახალი მოდიფიკაცია, რომლის ნამსხვრევებს „პენტაგონი სიამოვნებით მიიღებს შესასწავლად“. სამხედრო ექსპერტი ასკვნის რომ მოსკოვისთვის არ არის მომგებიანი რაკეტის გაშვება უკრაინაში, რომლის ყველა პარამეტრი და კომპონენტი კლასიფიცირებულია.

ამავდროულად, უკრაინული ტელეგრამის არხი "პოლკოვნიკი გენერალური შტაბი" აქვეყნებს ICBM-ების ექვსი ქობინის სავარაუდო "ჩამოვარდნას" (თითოეულში ექვსი მუხტია)

ავტორი: ექსპრესნიუსი,

სოციალური ქსელები

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს