2024-11-19 19:55:05, 374 ნახვა

---

ბითაძე ოპოზიციაზე - მათი მიზანი საქართველოს ჩამოქცევაა, ამაზე მიუთითებს ის წერილი, რომელიც ევროკავშირს გაუგზავნეს

ამ ჯგუფის მთავარი მიზანია ამ ქვეყნის ჩამოქცევა, ამაზე მიუთითებს ყველა ის მოღალატეობრივი ქმედება და ახლა უკვე ჯაშუშობრივი ქმედება, აი იმ წერილის სახით, რომელიც ჩვენმა რადიკალებმა  ევროკავშირს გაუგზავნეს,- ამის შესახებ საპარლამენტო უმრავლესობის დეპუტატმა, გარემოს დაცვისა და ბუნებრივი რესურსების კომიტეტის თავმჯდომარე მაია ბითაძემ განაცხადა.

 ბითაძის თქმით, 4 “ნაციონალური მოძრაობის“ მიერ გაგზავნილი საიდუმლო წერილი ბრიუსელში, რომლითაც პირდაპირ ითხოვდნენ საქართველოს სუვერენიტეტის მოშლას ჯაშუშობრივი და მოღალატეობრივია“.

“განსაკუთრებით გამძაფრდა რადიკალების ისტერიკა მას შემდეგ, რაც მათ ვერ მიიღეს ის გზავნილები დასავლეთის სახელმწიფოების მხრიდან და ასევე, აშშ-ს მხრიდან, რითაც ისინი ატყუებდნენ საქართველოს მოსახლეობას, ანუ ისინი ამბობდნენ, რომ საქართველო დაისჯება, ინდივიდუალური სანქციები იქნება, მათ გზავნილები ვერ მიიღეს და ვერც მიიღებდნენ, იმ გზავნილებს რისი სურვილიც ჰქონდათ, შესაბამისად  ეს აღმავალი დინამიკა მათი ისტერიკის აი ამ გზავნილების შერბილების და უფრო კონსტრუქციულ რეჟიმში გადატანით არის გამოწვეული, მე ვერ ვიტყოდი, რომ ადეკვატური იყო ის საპასუხო გზავნილი ევროკავშირის მინისტრთა შეხვედრის შემდგომ  ჯაშუშობრივი და მოღალატეობრივი წერილისა, რომელიც ჩვენმა ოთხმა “ნაციონალურმა მოძრაობამ“ გაუგზავნა ევროკავშირს, სადაც პირდაპირ ითხოვდნენ ქვეყნის სუვერენიტეტის მოშლას  მსგავსი წერილი, ალბათ, 21-ე საუკუნეში არ მოიპოვება და ალბათ ისტორიას შემორჩება ეს წერილი როგორც  სამარცხვინო, უნიკალური ნიმუში იმისა, თუ როგორი არ უნდა იყოს რომელიმე  ქვეყნის მოქალაქე.

მიუხედავად ამ წერილისა მათ ვერ მიიღეს ის გზავნილები და ის პასუხი ევროკავშირის მხრიდან, იმისთვის რომ მათ სურდათ დაენგრიათ ეს ქვეყანა. სამაგიეროდ ჩვენ მოვისმინეთ ის, რაც მოვისმინეთ ევროკავშირის მხრიდან რაღაც უცნაური მისია, რომელიც უნდა მოგვევლინოს და გაურკვეველია რა უნდა შეისწავლოს, იმიტომ რომ, ევროკავშირს აქ  წარმომადგენლობა ჰყავს, რომელიც წლებია ფუნქციონირებს და ბატონი ელჩი ლამის „ქართულ ოცნებაზე“ კარგად არის ინფორმირებული, როგორც არჩევნების შედეგების, ასევე, საქართველოს მოსახლეობის განწყობების შესახებ“,- განაცხადა ბითაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი