ჩვენ უნდა ვარყიოთ ივანიშვილის რეჟიმი, სანამ არ ჩამოვანგრევთ,- ამის შესახებ „კოალიცია ცვლილებისთვის“ ერთ-ერთმა ლიდერმა, ნიკა მელიამ თბილისში, ჭავჭავაძის გამზირზე განაცხადა, სადაც კარვებია გაშლილი და 24-საათიანი პროტესტია დაგეგმილი. 

როგორც მელიამ აღნიშნა, პროცესი აღარ შეჩერდება და გამარჯვებით დასრულდება.

„დღევანდელი არაორდინარული საპროტესტო შეკრება, ჩვენ გვჯერა ყველას ერთად, იქნება, ალბათ, ერთ-ერთი ისტორიული შეკრება, რომელიც დასაბამი გახდება იმ ინტენსიური, შეუჩერებელი, მძლავრი, მზარდი საპროტესტო მოძრაობის, რომელიც ივანიშვილის რეჟიმის ჩამონგრევით დასრულდება. ჩვენ უნდა ვარყიოთ ის, სანამ არ ჩამოვანგრევთ და ქუჩა, გამზირი ნებისმიერი, განსაკუთრებით თბილისში, არის ყველაზე დემოკრატიული ინსტრუმენტი ჩვენს ხელთ და ეს პროცესი არ შეჩერდება. ეს პროცესი დასრულდება გამარჯვებით“,- აცხადებს ნიკა მელია.

შეგახსენებთ, გუშინ, 17 ნოემბერს თბილისში, ჭავჭავაძის გამზირზე კარვები გაშალეს. აქციის მონაწილეებმა, რომლებიც 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს ითხოვენ, პროტესტის ნიშნად ღამე თბილისის სახელმწიფო უნივერსიტეტის პირველი კორპუსის მიმდებარე ტერიტორიაზე, გაშლილ კარვებში გაათენეს. ცნობილია, რომ ჭავჭავაძის გამზირზე პროტესტის ეს ფორმა 20:00 საათამდე გაგრძელდება.

ავტორი: ექსპრესნიუსი,

სოციალური ქსელები

26 მაისს დაგეგმილ დიდ საპროტესტო აქციას სტუდენტებიც უერთდებიან

NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას

ზელენსკი: უკრაინის ყოფნა ევროკავშირში სრულფასოვანი უნდა იყოს

ივანკა ტრამპზე თავდასხმის მომზადების ბრალდებით ირანის IRGC-ს გაწვრთნილი ტერორისტი დააკავეს