|
2024-11-13 15:35:04, 370 ნახვა
პოლიტიკა
საარჩევნო ადმინისტრაციასთან შეკრებილები აღმაშენებლის ძეგლის მიმართულებით მსვლელობას მართავენ
საქართველოს ცენტრალურ საარჩევნო ადმინისტრაციასთან შეკრებილებმა ცესკოს ტერიტორია დატოვეს და მსვლელობით აღმაშენებლის ძეგლისკენ მიემართებიან. ცოტა ხნის წინ, აღმაშენებლის ხეივანში მარშის მიმდინარეობის დროს პოლიციასთან დაპირისპირება მოხდა. ხმაური და დაძაბულობა მას შემდეგ დაიწყო, რაც სამართალდამცველებმა სცადეს, რომ მსვლელობის მონაწილეები გზის უკიდურეს მარჯვენა მხარეს გადაეყვანათ. „ქალებს გვეჭიდავებიან. გადაგვიარეს შუა ქუჩაში - მათ, სამართლადამცველები რომ ჰქვიათ - ლაჩრები. აი, ამ დღეში ჰყავთ ე.წ. სახელმწიფო ინტიტუტები. გადაგვიარეს ქალებს მშვიდობიანი აქციის დროს“,- უთხრა ჟურნალისტებს კოალიცია „ძლიერი საქართველოს“ ერთ-ერთმა ლიდერმა, ანა ნაცვლიშვილმა. ცნობილია, რომ მსვლელობა აღმაშენებლის ძეგლთან დასრულდება. შეგახსენებთ, მანამდე, მსვლელობის მონაწილე ქალებმა საპროტესტო აქცია, სლოგანით „დავიბრუნოთ ჩვენი ხმა!“, საქართველოს საარჩევნო ადმინისტრაციასთან გამართეს. აქციაზე დაპირისპირება მოხდა, რომელიც მას შემდეგ დაიწყო, რაც პროტესტის მონაწილეები შეეცადნენ, ცესკოს შენობაში შესულიყვნენ, თუმცა მათ სამართალდამცველები ჭიშკრის გაღების საშუალებას არ აძლევდნენ. მოგვიანებით, პოლიციამ ჭიშკარი გახსნა და აქციის მონაწილეებმა საარჩევნო ადმინისტრაციის ეზოში შესვლა შეძლეს. „ვითხოვთ ახალ არჩევნებს“ - ამ მოთხოვნით შეკრებილმა ქალებმა ცესკოს სახელზე ინდივიდუალური განცხადებები დაწერეს, ცესკოს კანცელარიას ჩააბარეს და არჩევნების შედეგების ბათილობა მოითხოვეს.
ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.
დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება
26 მაისს დაგეგმილ დიდ საპროტესტო აქციას სტუდენტებიც უერთდებიან
NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.
უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|


ავტორი: ექსპრესნიუსი,



epn.ge (@expressnews.ge)