ევროკავშირის წევრი 13 ქვეყნის საგარეო საქმეთა და ევროპის საკითხთა მინისტრები საქართველოში გამართული არჩევნების საკითხზე ერთობლივ განცხადებას ავრცელებენ.

მინისტრები უერთდებიან გამოძიების შესახებ მოწოდებას და აკრიტიკებენ უნგრეთის პრემიერ-მინისტრ ვიქტორ ორბანის საქართველოში ვიზიტს.

"ჩვენ ღრმად ვართ შეშფოთებულები საქართველოში მიმდინარე მოვლენებით. საერთაშორისო დამკვირვებლებმა გამოავლინეს დარღვევები, როგორც საარჩევნო კამპანიის დროს, ასევე, არჩევნების დღეს. ჩვენ ვგმობთ თავისუფალი და სამართლიანი არჩევნების შესახებ საერთაშორისო ნორმების ყოველგვარ დარღვევას. ვუერთდებით შეშფოთებასა და მოთხოვნას საჩივრების მიუკერძოებელი გამოძიებისა და დარღვევების გამოსწორების შესახებ. ამ რთულ დროს ვდგავართ ქართველი ხალხის გვერდით.

მნიშვნელოვანია, რომ საპროტესტო აქციები, განსაკუთრებით, მთავრობის რეაგირება მათზე იყოს მშვიდობიანი. საარჩევნო კეთილსინდისიერების დარღვევა შეუთავსებელია სტანდარტებთან, რომელიც ევროკავშირის კანდიდატთან არსებობს. ეს არის ქართველი ხალხის ლეგიტიმური ევროპული მისწრაფებების ღალატი. კანონის უზენაესობისა და თავისუფალი, სამართლიანი არჩევნების ერთგულება არის საქართველოს ევროკავშირის გზაზე განუყოფელი ნაწილი. ჩვენ ვაკრიტიკებთ პრემიერ-მინისტრ ორბანის ვიზიტს საქართველოში. ის არ საუბრობს ევროკავშირის სახელით",- აღნიშნულია განცხადებაში, რომელსაც ხელს აწერენ: 

მარტინ დვორაკი;
მარია ბჟერე;
ანა ლუჰრმანი;
მარგუს ცაჰკნა;
ხოაკიმ სტრანდი;
ბენჟამინ ჰადიდი;
ჯენიფერ კეროლ მაკნეილი;
გაბრიელიუს ლანდსბერგისი;
კასპარ ველდკამპი;
ხაივიერ ბეტელი;
ადამ სზლაპკა;
ინეს დომინგოს;
ჯესიკა როსენკრანტსი;

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს