„სპეკულაციებისთვის ადგილი რომ არ დავტოვოთ სჯობს მკაფიოდ ვთქვათ, რომ არანაირი ცვლილებები არ იგეგმება და წერტილი, ამ ეტაპზე“, - ამის შესახებ დევნილთა და განსახლების მინისტრმა სოზარ სუბარმა ტელეკომპანია „პირველის“ თოქ-შოუ „რვიანში“ განაცხადა.

 სუბარის განცხადებით, ამ ეტაპზე ცვლილება არ იგეგმება და შეხვედრები, რომელიც იყო პრემიერთან არ არის დაკავშირებული შესაძლო ცვლილებებთან.

 „ეს არ გამორიცხავს იმას რაც ვთქვი, რომ ცვლილებები მუდმივად იქნება და ყოველთვის მოხდება და ის, რომ დღეს არ იგეგმება, არ ნიშნავს იმას, რომ თუნდაც სამი თვის, ექვსი თვის მერე ან თუნდაც ოქტომბერში არჩევნები მოდის და ცხადია რომ ბევრი რამ შეიცვლება. ამ ეტაპზე ცვლილება არ იგეგმება და შეხვედრები, რომელიც იყო პრემიერთან არ არის დაკავშირებული შესაძლო ცვლილებებთან. ეს იყო უბრალოდ განხილვა თითოეული სამინისტროს სამოქმედო გეგმის, რით მოვედით დღემდე, რა გავაკეთეთ და რითი მივდივართ მომავალში. ასეთი პერიოდული მოსმენები ადრეც იყო ხოლმე, მაგრამ ბატონმა კვირიკაშვილმა გადაწყვიტა, რომ დავმსხდარიყავით და პრაქტიკულად ყოველ საღამოს იყო რომელიმე სამინისტროს მოსმენა. პირველი ეტაპი ჩამთავრდა და ამას უნდა მოჰყვეს მეორე ეტაპი. პირველი ეტაპი იყო ზოგადი მიმოხილვა და იქ გაკეთდა გარკვეული ფოკუსები იყო შეკითხვები. მეორე ეტაპზე უკვე დაწურული და ფოკუსირებული მოსმენები უნდა იყოს. ეს ჩვეულებრივი სამუშაო პროცესია. ისევ და ისევ ჩემს ნათქვამზე, მე ვთქვი რომ არ ვიცი და არა მგონია რამე ცვლილებები იგეგმებოდეს-თქო. ასე რომ სპეკულაცია რომ აგორდება სადღაც რომელიმე ექსპერტი ან ჟურნალისტი დაწერს უცნობ წყაროზე დაყრდნობით და იწყება განხილვა რაღაც უაზრო თამაშს დაემსგავსა“, - განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება