სამხრეთ ეგვიპტეში, კაიროში მიმავალ სამგზავრო მატარებელს ლოკომოტივი შეეჯახა, რის შედეგადაც ერთი ადამიანი დაიღუპა და სულ მცირე, 20 დაშავდა. ამის შესახებ ინფორმაციას უცხოური მედია ავრცელებს.

მედიის ცნობით, შეჯახების შედეგად სამგზავრო მატარებლის 2 ვაგონი მდინარეში გადავარდა და ნაწილობრივ ჩაიძირა. შეჯახება კაიროდან 270 კილომეტრის დაშორებით, მინიას პროვინციაში მოხდა.

ადგილობრივი ხელისუფლების ინფორმაციით, შეჯახების გამომწვევი მიზეზები გამოძიებამ უნდა დაადგინოს.

როგორც ქვეყნის ჯანდაცვის სამინისტროს განცხადებაშია აღნიშნული, საავადმყოფოში, სულ მცირე, 21 ადამიანი გადაიყვანეს.

ცნობისთვის, ჩრდილოეთ აფრიკაში ბოლო ერთ თვეში ეს უკვე მატარებლის მეორე ავარიაა.

სექტემბერში ნილოსის დელტაში 2 სამგზავრო მატარებელი ერთმანეთს შეეჯახა, რის შედეგადაც 3 ადამიანი დაიღუპა.

ავტორი: ექსპრესნიუსი,

სოციალური ქსელები

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა

Reuters: ტრამპმა ნატოს ლიდერებს განუცხადა, რომ აშშ ალიანსში დარჩენას აპირებს

თიბისი კაპიტალმა მაკროეკონომიკური განახლება გამოაქვეყნა