ბილბორდებმა და ვიდეორგოლმა გააშიშვლა სიმართლე. ამის გამო არიან შეწუხებული ის ადამიანები, რომლებიც ცდილობდნენ, უკრაინაში არსებული ვითარება სასურველად წარმოედგინათ ქართული საზოგადოებისთვის,- ამის შესახებ საქართველოს პრემიერ-მინისტრმა, ირაკლი კობახიძემ განაცხადა.

მთავრობის მეთაურის შეფასებით, „კონკრეტული სუბიექტები სწუხან ამ ბილბორდების და შესაბამისი ვიდეორგოლის გამო ერთი მარტივი მიზეზით - ისინი 2,5 წლის განმავლობაში წარმატებით ახერხებდნენ, საქართველოს მოსახლეობისთვის დაემალათ, რა ხდებოდა და რა ხდება დღეს უკრაინაში".

„მინდა, გამოვეხმაურო ცნობილ ბილბორდებს და შესაბამის სარეკლამო რგოლს, სადაც გამოსახული იყო უკრაინაში მიმდინარე მოვლენები - ომის სურათი და მეორე მხარეს - ქვეყნის განვითარება. კონკრეტული სუბიექტები სწუხან ამ ბილბორდების და შესაბამისი ვიდეორგოლის გამო ერთი მარტივი მიზეზით - ისინი 2,5 წლის განმავლობაში ახერხებდნენ წარმატებით, საქართველოს მოსახლეობისთვის დაემალათ, რა ხდებოდა და რა ხდება დღეს უკრაინაში, სადაც არის სრული კატასტროფა ეკონომიკური, ჰუმანიტარული, ინფრასტრუქტურის კუთხით და ა.შ.

ორ-ნახევარი წლის განმავლობაში ისე წარმოაჩენდნენ მოვლენებს, რომ ჩვენ უნდა შეგვშურებოდა უკრაინის, პირდაპირ ამ ტერმინსსაც იყენებდნენ, რომ შურდათ უკრაინის, უკრაინელი ხალხის, უკრაინის სახელმწიფოსი. რეალურად, ამ ბილბორდებმა და ვიდეორგოლმა გააშიშვლა ის ტყუილი, რაშიც ცდილობდნენ, დაეტოვებინათ ქართული საზოგადოება. მაშინაც იყო ბულინგი, მათ შორის სხვა ტელევიზიებიც, არა „ნაცმოძრაობის" ტელევიზიებიც რომ ნაკლებად აშუქებდნენ და აშუქებენ დღესაც უკრაინაში მიმდინარე მოვლენებს, ესეც ამ ბულინგის შედეგია, შენ თუ აჩვენებ იმ სურათს, რაც არის უკრაინაში, დაგიძახებენ რუსეთის გულშემატკივარს და ათას სისულელეს. რეალურად, საზოგადოებას არ ჰქონდა სრული, სათანადო ინფორმაცია იმასთან დაკავშირებით, თუ რა ხდება უკრაინაში და ამ ბილბორდებმა და ვიდეორგოლმა გააშიშვლა სიმართლე. ამის გამო არიან შეწუხებული ის ადამიანები, რომლებიც ცდილობდნენ, უკრაინაში არსებული ვითარება სასურველად წარმოედგინათ ქართული საზოგადოებისთვის. ამის მთავარი მიზანი რა არის - ისევ და ისევ ის განზრახვა, რაც აქვთ კონკრეტულ ძალებს. უნდათ საქართველოში ომი, მეორე ფრონტი, შენ სასურველად უნდა წარმოგიჩინონ უკრაინის მდგომარეობა, იმისთვის, რომ  გარკვეულ დონეზე მაინც მოგინდეს ომი და მეორე ფრონტი შენს ქვეყანაში. ამიტომ არიან ახლა გაღიზიანებული კონკრეტული ძალები ამ სარეკლამო მასალებით",- განაცხადა პრემიერმა გადაცემა "იმედი LIVE"-ში.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა