მამუკა ახვლედიანის გადაყენების შემდეგ იუსტიციის უმაღლესი საბჭო თბილისის საქალაქო სასამართლოს მოსამართლეებს ხვდება.  შეხვედრის მიზანია, მოსამართლეებისთვის მიღებული გადაწყვეტილების და არსებული ვითარების გაცნობა.

აღნიშნულ საკითხს ლევან მურუსიძე გამოეხმაურა და აღნიშნა, რომ საქალაქო სასამართლოში მოსამართლეების მხარდაჭერის მოსაპოვებლად არ მისულა.

"მე მოსამართლეების მხარდაჭერის მოსაპოვებლად არ მოვსულვარ. საბჭო უნდა შეხვდეს მოსამართლეებს და დაიგეგმოს მომავალი თანამშრომლობის საკითხები", - განაცხადა ლევან მურუსიძემ.

იუსტიციის საბჭოს სხვა წევრები კი აცხადებენ, რომ მოსამართლეებთან შეხვედრის დროს განსახილველ საკითხებს შორის მოსამართლეთა დაკითხვის ახალი წესი იქნება, ამასთან ერთად საქმეთა განაწილების პროცესზეც იმსჯელებენ.

ცნობისთვის, შეხვედრას საქალაქო სასამართლოს ის მოსამართლეები დაესწრებიან, რომლებსაც ამ დროისთვის სხდომა არა აქვთ ჩანიშნული.

წინასწარი ინფორმაციით, შეხვედრას იუსტიციის საბჭოს წევრებთან თბილისის საქალაქო სასამართლოს გადაყენებული ხელმძღვანელი და მოქმედი მოსამართლე, მამუკა ახვლედიანი არ დაესწრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის