დილით ბელგოროდი დაიბომბა. წინასწარი მონაცემებით, დაშავებულია რვა მშვიდობიანი მოქალაქე. ერთ-ერთი დაშავებული უკიდურესად მძიმე მდგომარეობაშია, დანარჩენებს კი საშუალო სიმძიმის დაზიანებები აღენიშნებათ“, – განაცხადა ბელგოროდის რეგიონის ხელმძღვანელმა ვიაჩესლავ გლადკოვმა დეპეშაში.

მისივე თქმით, პირდაპირი დარტყმის შედეგად კერძო სახლს და 15-ზე მეტ ავტომობილს ცეცხლი გაუჩნდა.

„ერთ-ერთ მისამართზე მივედი, სადაც სახლი მთლიანად დამწვარი იყო. საბედნიეროდ არავინ დაშავებულა: სირენის ხმა დროულად გაიგეს და აბაზანას შეაფარეს თავი. ხანძარი რომ გაჩნდა, მეზობლები გამოვიდნენ დასახმარებლად - ნანგრევები სწრაფად გაწმინდეს და ქუჩაზე გადასასვლელი გაასუფთავეს“, - წერს გუბერნატორი.

ბელგოროდის მრავალსართულიან საცხოვრებელ კორპუსებში, როგორც გლადკოვის გზავნილიდან ჩანს, მინები ჩამსხვრეულია. ადგილობრივი არხები ქალაქში დაზიანებული მაღლივი კორპუსებისა და ხანძარი მანქანების ფოტოებს აქვეყნებენ.

ბელგოროდის მერი ვალენტინ დემიდოვი ტელეგრამის არხზე ქალაქის დაბომბვის შედეგების ამსახველ ფოტოებს აქვეყნებს.

მისი თქმით, დაზიანდა 27 ბინა 21 მრავალსართულიან საცხოვრებელ კორპუსში, ასევე 15 ავტომობილი (ადგილობრივი არხები ადრე აქვეყნებდნენ ხანძრის ამსახველ ფოტოებს).

მერმა, გუბერნატორის შემდეგ, რვა დაჭრილის შესახებ განაცხადა. მძიმედ დაშავებული ქალი საოპერაციოშია - ხელები და ფეხები აქვს დაზიანებული, განაცხადა ბელგოროდის რეგიონის ჯანდაცვის მინისტრმა ანდრეი იკონნიკოვმა.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ