ევროპარლამენტარები, მათ შორის, საგარეო ურთიერთობათა კომიტეტის თავმჯდომარის მოადგილე ურმას პაეტი ევროკავშირის უმაღლეს წარმომადგენელს, ჟოზეფ ბორელს მოუწოდებენ, უპასუხოს სისხლის სამართლის საერთაშორისო სასამართლოს წევრი ქვეყნის, მონღოლეთის ქცევას, რომელიც ამჟამად რუსეთის პრეზიდენტს, ვლადიმერ პუტინს მასპინძლობს.

ურმას პაეტის განცხადებით, მონღოლეთს აქვს ისტორიული შესაძლებლობა, გახდეს საერთაშორისო სამართლის გარანტი.

“უნდა შევასრულოთ სისხლის სამართლის საერთაშორისო სასამართლოს მოთხოვნა - დააკავონ კრიმინალი პუტინი და მიიყვანონ ჰააგაში. თუ მონღოლეთი არ შეასრულებს თავის ვალდებულებებს, ევროკავშირმა უნდა გაუგზავნოს ამ ქვეყანას მკაფიო სიგნალი დიპლომატიური და ეკონომიკური ზომების სახით“,- განაცხადა პაეტმა.

რუსეთის პრეზიდენტი ოფიციალური ვიზიტის ფარგლებში მონღოლეთში იმყოფება. ვლადიმერ პუტინის ვიზიტი ორი დღე გაგრძელდება. მონღოლეთში პუტინის ბოლო ვიზიტი 2019 წელს შედგა.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა