იუსტიციის მინისტრმა თეა წულუკიანმა ქალთა მიმართ ძალადობის, მისი მიზეზებისა და შედეგების საკითხებზე გაერო-ს სპეციალური მომხსენებელი დუბრავკა სიმონოვიჩი მიიღო. მინისტრთან ერთად შეხვედრას იუსტიციის მინისტრის მოადგილე გოჩა ლორთქიფანიძე ესწრებოდა.

როგორც “ექსპრესნიუსს“ იუსტიციის სამინისტროდან აცნობეს,  თეა წულუკიანმა  გაერო-ს სპეციალურ მომხსენებელს ინფორმაცია მიაწოდა იმ ღონისძიებებისა და საკანონმდებლო ინიციატივების შესახებ, რომელთაც სამინისტრო ქალთა უფლებების განმტკიცებისთვის ახორციელებს.

მათივე ინფორმაციით, შეხვედრაზე ოჯახში ძალადობის წინააღმდეგ იუსტიციის სამინისტროს მიერ  მომზადებული საკანონმდებლო ცვლილებების პაკეტის შესახებ ისაუბრეს.  აღინიშნა, რომ  იუსტიციის სამინისტროს მიერ შემუშავებული ამ ცვლილებებით საქართველოს კანონმდებლობა შესაბამისობაში მოდის სტამბულის კონვენციასთან, რომლის მიზანია, ოჯახში ძალადობისგან დაიცვას ყველა.

„შეხვედრაზე ვისაუბრეთ ისეთ მნიშვნელოვან თემებზე, როგორიც არის ქალთა უფლებების დაცვა ეფექტურად მაშინ, როდესაც შეიძლება ქალები გახდნენ ძალადობის მსხვერპლნი − იქნება ეს ოჯახში თუ სხვაგან. აღინიშნა, რომ საქართველო დგამს ძალიან დიდ და პროგრესულ ნაბიჯს, როდესაც ამ გაზაფხულზე უკვე მოახდენს სტამბულის კონვენციის რატიფიკაციას, და არა მხოლოდ რატიფიკაციას, არამედ საკანონმდებლო რეფორმებს განახორციელებს იმისთვის, რომ ჩვენი ქართული კანონი იყოს სტამბულის კონვენციასთან შესაბამისობაში.  ვისაუბრეთ სამომავლო თემებზე, თუ რა უნდა გაუმჯობესდეს; მაგალითად, როგორ უნდა დაიცვას  ჩვენმა კანონმდებლობამ  სუროგატი დედის უფლებები, რომელიც დღეს  საერთოდ არ არის დაცული; როგორ უნდა დავიცვათ  უკეთესად ჩვენი ქუჩაში მცხოვრები და მომუშავე ბავშვები, რომლებზეც სულ რამდენიმე კვირის წინ ჩვენი ინიციატივით მთავრობამ ერთსულოვნად  დაამტკიცა ცვლილებები და ახლა პარლამენტში იხილება; და როგორ უნდა გავაკეთოთ ისე, რომ ქალები და მამაკაცები იყვნენ თანაბრად წარმოდგენილნი საქართველოს პარლამენტში“, − აღნიშნა თეა წულუკიანმა.

გაერო-ს სპეციალურმა მომხსენებელმა საქართველოში ვიზიტი 15 თებერვალს დაიწყო და მისი ვიზიტი დღეს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider

პენტაგონი ირანში სახმელეთო შეჭრის ალბათობას უშვებს