ოპოზიცია მმართველი პარტიის წარმომადგენლებს წინასაარჩევნოდ პოლიტიკურ დებატებში მონაწილეობისთვის იწვევს. ხელისუფლების ოპონენტები ეთანხმებიან ნებისმიერ ფორმატს და ნებისმიერ გადაცემას.

„ქართულ ოცნებას ერთი წელია არ გაუმართავს პირდაპირი დებატები ღია ტელევიზიით, რადგან ეშინიათ, ვერ ბედავენ ამის გაკეთებას, ამიტომ კიდევ ერთხელ მივმართავ „ქართული ოცნების“ ყველა წარმომადგენელს, ახლოვდება არჩევნები. 3 თვე დარჩა, გამოდით და დაჯექით ეთერში ოპოზიციურ პარტიებთან დებატებში, რადგან ეს არის დემოკრატია“, - განაცხადა ლელოს წევრმა სალომე სამადაშვილმა.

იგივე მოწოდება მმართველ პარტიას „აღმაშენებლის სტრატეგიის“ ლიდერმა გიორგი ვაშაძემ მიმართა.

„დებატები დემოკრატიისა და კულტურის ნაწილია. მეორეც, „ქართულ ოცნებას“ ეშინია, რადგან სათქმელი არაფერი აქვს... მოდით, პირდაპირ დებატებში ვესაუბროთ ხალხს და გავარკვიოთ ყველა ის პროცესი, რაც დღეს ქვეყანაში ხდება. თუ ცალმხრივად იტყუები, თვალებში ჩამხედე, თვალებში ჩავხედოთ და ვიკამათოთ“.
პარტია „გახარია - საქართველოსთვის“ მმართველ პარტიას კითხვები აქვს.

„ეს პატარა მშიშარა ბიჭები ვერ იკრებენ გამბედაობას, რადგან გამბედაობაა საჭირო იმისათვის, რომ გამოხვიდე შენი თბილი ტელესტუდიიდან და რეალურად იჯდე საჯარო ადგილას, სადაც არ დაგისვამენ წინასწარ დაყენებულ კითხვებს, არამედ ექნება საჯარო დებატები.

დაველოდოთ, სხვათა შორის, საინტერესო იქნება, როგორ წარუდგენს თავს ქართული ოცნება ამომრჩეველს. ვინ იქნება მისი საპრეზიდენტო კანდიდატი, ვინ იქნება ნომერ პირველი, იქნებ მერე მოიკრიბონ გამბედაობა და მერე მაინც მიიღონ მონაწილეობა ოპონენტებთან დებატებში“, - განაცხადა ბექა ლილუაშვილმა.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები