ვენესუელას საარჩევნო საბჭოს მიერ გამოცხადებული შედეგების მიხედვით, საპრეზიდენტო არჩევნებში ქვეყნის მოქმედმა პრეზიდენტმა, ნიკოლას მადურომ გაიმარჯვა. ამის შესახებ ინფორმაციას BBC ავრცელებს.

მედიის ცნობით, ეროვნული საარჩევნო საბჭოს ხელმძღვანელმა, ელვის ამოროსომ, რომელიც მადუროს ახლო მოკავშირეა, თქვა, რომ ბიულეტენების 80%-ის დათვლის შემდეგ პრეზიდენტმა მადურომ ხმების 51% მიიღო, მისმა მთავარმა კონკურენტმა კი - 44%.

ვენესუელას ოპოზიცია არჩევნების შედეგებს არ აღიარებს. მათი მტკიცებით, არჩევენებში ოპოზიციურმა კანდიდატმა, ედმუნდო გონსალესმა 70%-ით გაიმარჯვა.

ვენესუელაში არჩევნების შედეგების გამოქვეყნების შემდეგ, ამერიკის შეერთებული შტატების სახელმწიფო მდივანი ენტონი ბლინკენი ერთ-ერთი პირველი იყო, ვინც სკეპტიციზმი გამოთქვა.

"აშშ-ს აქვს სერიოზული შეშფოთება, რომ გამოცხადებული შედეგი არ ასახავს ვენესუელელი ხალხის ნებას ან ხმებს",- განაცხადა ბლინკენმა.

ცნობისთვის, ნიკოლას მადურო ვენესუელას პრეზიდენტის პოსტს 2013 წლიდან იკავებს.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე