ევროპარლამენტის წევრებმა მოითხოვეს, რომ უნგრეთის პრემიერ-მინისტრ ვიქტორ ორბანის რუსეთსა და ჩინეთში მოგზაურობის შემდეგ, ქვეყანას ევროკავშირში ხმის მიცემის უფლება ჩამოერთვას. ამის შესახებ POLITICO წერს.

POLITICO-ს ინფორმაციით, აღნიშნული მოთხოვნით 63-მა ევროპარლამენტარმა ევროკომისიის პრეზიდენტ ურსულა ფონ დერ ლაიენს, ევროპული საბჭოს პრეზიდენტ შარლ მიშელსა და ევროპარლამენტის თავმჯდომარე რობერტა მეცოლას წერილით მიმართა.

გამოცემის ცნობით, მათ მიერ მოპოვებულ წერილში ნათქვამია, რომ ვიქტორ ორბანმა მნიშვნელოვანი ზიანი მიაყენა საბჭოს თავმჯდომარეობის როლს და მას ბოროტად იყენებს. 

"ორბანმა განახორციელა რამდენიმე დიპლომატიური ვიზიტი პუტინის მოსანახულებლად რუსეთში და სი ძინპინის ჩინეთში, რომლის დროსაც მან განზრახ არასწორად წარმოაჩინა თავისი უფლებამოსილებები... ეს მოითხოვს რეალურ ქმედებებს, როგორიცაა უნგრეთისთვის საბჭოში ხმის მიცემის უფლების შეჩერება, რადგან პრაქტიკამ აჩვენა, რომ ამ ვითარების უბრალო სიტყვიერ დაგმობას არანაირი ეფექტს არ მოაქვს",- აღნიშნავენ ევროდეპუტატები წერილში და პარლამენტს შესაბამისი რეაგირებისკენ მოუწოდებენ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს