„საქართველოს ხელისუფლებას რომ განსხვავებული კურსი ჰქონდეს, ან  ხელისუფლების მიერ გადადგმული ნაბიჯები ქართველი ხალხის ინტერესებში არ შედიოდეს, მერწმუნეთ, “ქართული ოცნება" ხელისუფლებაში არ და ვერ იქნებოდა, - ასე უპასუხა დედაქალაქის მერმა კახა კალაძემ მედიის შეკითხვას იმასთან დაკავშირებით, თუ რატომ ვერ შეძლო საქართველოს პრემიერ-მინისტრმა ირაკლი კობახიძემ აშშ-ის სახელმწიფო მდივნის მოადგილის, უზრა ზეიას დარწმუნება გამჭვირვალობის კანონის კეთილ მიზნებში.

კალაძის თქმით, არ არსებობს ფაქტები იმასთან დაკავშირებით, რომ ქვეყანა არადემოკრატიული გზით მიდის.

„რაც არ უნდა აკეთონ ეს განცხადებები, არ არსებობს არგუმენტები იმისა, რომ ქვეყანა არასწორი მიმართულებით მიდის, ან ქვეყანაში არადემოკრატიული პროცესები მიდის. უბრალოდ, არ არსებობს ამის ფაქტები", - განაცხადა დედაქალაქის მერმა.

შეგახსენებთ, გუშინ, 12 ივლისს საქართველოს პრემიერ-მინისტრი იკრალი კობახიძე ამერიკის შეერთებული შტატების  სახელმწიფო დეპარტამენტის მეორე მოადგილეს, უზრა ზეიას შეხვდა. მხარეებმა შეხვედრისას აშშ-საქართველოს სტრატეგიულ პარტნიორობასა და მრავალი წლის განმავლობაში სხვადასხვა სფეროში წარმატებულ თანამშრომლობაზე ისაუბრეს.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი