"საქართველოს ბანკი", როგორც ბიზნესის მხარდამჭერი ფინანსური ინსტიტუტი, საგანმანათლებლო ინიციატივების განხორციელებას განაგრძობს. ახლახან მცირე და საშუალო ბიზნესების წარმომადგენლებისთვის 2-დღიანი ბიზნეს შეხვედრა – "დროის მენეჯმენტი და თვითმენეჯმენტი" გაიმართა.  ღონისძიებას ტრენერი და ბიზნეს კონსულტანტი, კომპანია BPN Georgia-ს დირექტორი, დანიელ მათერი უძღვებოდა.

დანიელ მათერმა მიმოიხილა ის თეორიულ-პრაქტიკული მეთოდები, რომლებიც ბიზნესის წარმომადგენლებს მუშაობის სტილის გაანალიზებაში, პრიორიტეტების განსაზღვრასა და დროის დაგეგმვის საკითხებში ეხმარებათ. შედეგად, მიღებული ცოდნით, მათ აქვთ შესაძლებლობა, რეალური მიზნები დასახონ, დავალებები უფრო სწრაფად და ეფექტიანად შეასრულონ და ხელისშემშლელ ფაქტორებს გაუმკლავდნენ.

„საქართველოს ბანკისთვის" ბიზნეს სექტორის გაძლიერება ერთ-ერთი მთავარი პრიორიტეტია. ჩვენ გვესმის, რომ ახალი კავშირების დამყარება, განათლება და მოტივირება მთავარი კომპონენტებია წარმატების მისაღწევად, ამიტომ მუდმივად ვქმნით და მხარს ვუჭერთ საგანმანათლებლო თუ საინფორმაციო ინიციატივებს მცირე და საშუალო ბიზნესების წარმომადგენლებისთვის. აღნიშნული შეხვედრის მიმართ გამოხატული ინტერესი კიდევ ერთხელ ადასტურებს, რომ ბიზნესებს სჭირდებათ მეტი ინიციატივა, რომელიც მათ განვითარებასა და ზრდაში დაეხმარებათ. ჩვენ არ ვჩერდებით და მომხმარებლებს მომავალშიც არაერთ საინტერესო ღონისძიებას შევთავაზებთ”, - აცხადებს რუსუდან ბარათაშვილი, მცირე და საშუალო ბიზნესის დამატებითი ღირებულების სერვისების განვითარების დეპარტამენტის დირექტორი.

მცირე და საშუალო ბიზნესების განვითარებაზე ორიენტირებული მეტი პროექტი იხილეთ "საქართველოს ბანკის" ვებგვერდზე, ხოლო იმისათვის, რომ არ გამოგრჩეთ მსგავსი ღონისძიებები, ადევნეთ თვალყური "საქართველოს ბანკი" ბიზნესის ფეისბუქგვერდს.

ავტორი: R (რეკლამა),

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა