ირანთან უვიზო რეჟიმი დღეიდან ამოქმედდა

2016-02-15 10:27:25, 658 ნახვა

პოლიტიკა

საქართველოს მთავრობის გადაწყვეტილებით, 2016 წლის 15 თებერვლიდან კვლავ ამოქმედდა შეთანხმება „საქართველოს მთავრობასა და ირანის ისლამური რესპუბლიკის მთავრობას შორის ორდინალური პასპორტების მფლობელთათვის ვიზების ორმხრივად გაუქმების შესახებ“.

აღნიშნული შეთანხმების მოქმედება, ქართული მხარის მიერ 2013 წლის 1 ივლისიდან დროებით შეჩერებული იყო.

ირანის მხარეს გადაეცა საქართველოს საგარეო საქმეთა სამინისტროს შესაბამისი ოფიციალური ნოტა. ირანის ისლამური რესპუბლიკის მოქალაქეებს, რომლებიც ფლობენ მოქმედ ორდინალურ პასპორტებს, უფლება ექნებათ ისარგებლონ, საქართველოს ტერიტორიაზე პირველი შესვლის დღიდან, ვიზის გარეშე ორმოცდახუთ დღემდე ყოფნის უფლებით.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან