ირანის ყოფილი პრეზიდენტი მაჰმუდ აჰმადინეჯადი პრეზიდენტობის კანდიდატად დარეგისტრირდა. ამის შესახებ ინფორმაციას ABCnews-ი ავრცელებს. 

როგორც მედია იტყობინება, 67 წლის აჰმადინეჯადმა რეგისტრაცია დღეს, 2 ივნისს გაიარა.

რეგისტრაციის შემდეგ მან განაცხადა, რომ გააუმჯობესებს ეკონომიკურ ურთიერთობებს ყველა ერთან.

აჰმადინეჯადი 2005 წლიდან 2013 წლამდე ორჯერ იკავებდა ირანის პრეზიდენტის თანამდებობას. პრეზიდენტობის პერიოდში ის, ანტისემიტური გამონათქვამების გამო, არაერთხელ გააკრიტიკეს. აჰმადინეჯადი ასევე უარყოფს ჰოლოკოსტს და აცხადებს, რომ ირანში ლგბტ პირები არ არიან.

ცნობისთვის, ირანში ვადამდელი საპრეზიდენტო არჩევნები 28 ივნისს არის დაგეგმილი. არჩევნები დღის წესრიგში მას შემდეგ დადგა, რაც პრეზიდენტი იბრაჰიმ რაისი ავიაკატასტროფას ემსხვერპლა.

ავტორი: ექსპრესნიუსი,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს