2024-05-22 16:52:57, 554 ნახვა
მსოფლიო
ბრიტანეთის თავდაცვის მინისტრი - რუსეთის მხრიდან გაზრდილი მუქარის გამო, ნეიტრალური სტატუსის მქონე ყველა სახელმწიფო ნატოს უნდა შეუერთდეს
რუსეთის მხრიდან გაზრდილი მუქარის გამო, ნეიტრალური სტატუსის მქონე ყველა სახელმწიფო, რომელსაც უსაფრთხოება სურს, ნატოს უნდა შეუერთდეს, - ამის შესახებ დიდი ბრიტანეთის თავდაცვის მინისტრმა, გრანტ შაპსმა განაცხადა.
შაპსის თქმით, ზოგიერთი ევროპული ქვეყანა სარგებელს იღებს ნატოსგან, თუმცა ისინი არ არიან წევრი ქვეყნები.
„ზოგიერთი ევროპული სახელმწიფო აქტიურად იღებს სარგებელს ნატოსგან, ისინი სარგებლობენ თავისუფლებით, თუმცა არ არიან კონტინენტის კოლექტიური შეკავების ხელმომწერები. როდესაც მგელი ევროპული უსაფრთხოების უკანა ეზოშია შემოსული, ნეიტრალიტეტის დრო აღარ არის“, - განაცხადა გრანტ შაპსმა.
ავტორი: ექსპრესნიუსი,
epn.ge (@expressnews.ge)
