ორშაბათიდან ვაცხადებთ დაუმორჩილებლობას და ვიწყებთ გაფიცვას,- ამის შესახებ ილიას სახელმწიფო უნივერსიტეტის სტუდენტებმა საგანგებო განცხადება გააკეთეს.

სტუდენტების თქმით, უარს ამბობენ სასწავლო პროცესში მონაწილეობაზე და "უცხოური გავლენის გამჭვირვალობის შესახებ" კანონპროექტის საწინააღმდეგო აქციებში ერთვებიან.

"ორშაბათიდან ვაცხადებთ დაუმორიჩილებლობას და ვიწყებთ გაფიცვას. არ მივიღებთ არცერთ სასწავლო პროცესში მონაწილეობას და აქტიურად ჩავერთვებით საპროტესტო მოძრაობებში. მადლობა ლექტორებს, რომლებმაც დააფიქსირეს თავიანთი პოზიცია. სხვებს კი, მათ შორის აკადემიურ პერსონალს, მოვუწოდებთ, რომ შემოუერთდნენ განცხადებას დაიწყონ გაფიცვა. მივმართავთ სხვა სახელმწიფო თუ კერძო სასწავლებლების სტუნდეტებს - შემოგვიერთდით.

მივმართავთ ხელისუფლებას, სასწრაფოდ შეწყვიტეთ საქართველოს ისტორიის ღალატი და დაუბრუნდით კონსტიტუციურ ფარგლებს. ჩვენი სათქმელი მარტივია - ვიბრძოლებთ ბოლომდე, ვიქნებით ქვეყნის სამსახურში და ვერ შეგვაშინებს ვერაფერი. ილიას გზით ევროპისკენ! არა რუსულ რეჟიმს!" - აცხადებენ სტუდენტები.

ავტორი: ექსპრესნიუსი,

სოციალური ქსელები

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია

სინდისის პატიმრების ოჯახები საზოგადოებრივ მაუწყებელს პირდაპირი ეთერის დათმობას სთხოვენ

გამოკითხვები საფრანგეთის საპრეზიდენტო არჩევნებში ლე პენის გამარჯვებას პროგნოზირებენ

Tegeta Fest - „თეგეტა მოტორსი“ წრიული რბოლის ჩემპიონატის ფარგლებში ავტოსპორტის მოყვარულებს უმასპინძლებს