ვერ დადგებით ცალ ფეხზე იმიტომ, რომ მუხლებზე დგახართ,- ასე მიმართა "სტრატეგია აღმაშენებლის" წარმომადგენელმა, პაატა მანჯგალაძემ "ქართული ოცნების" დეპუტატებს პარლამენტის პლენარულ სხდომაზე.

როგორც მანჯგალაძემ "უცხოური გავლენის გამჭვირვალობის შესახებ" კანონპროექტზე საუბრისას აღნიშნა, ხელისუფლება მტრის ინტერესს ემსახურება.

"იძახიან - ცალ ფეხზე დგომა, ცალ ფეხზე დგომა - ვერ დადგებით ცალ ფეხზე იმიტომ, რომ მუხლებზე დგახართ. საერთოდ ვერ დადგებით ცალ ფეხზე, დგახართ მუხლებზე. არავინ დგას ცალ ფეხზე - ჩვენ საქართველოს ინტერესებს ვიცავთ, რათა პირისპირ არ დარჩეს საქართველო მტრის აგრესიის წინააღმდეგ. თქვენ თუ "გავლენის აგენტს" ეძახით ადამიანს, ვინც კორუფციის წინააღმდეგ იბრძვის; თუ გავლენის აგენტს ეძახით ადამიანს, ვინც უსამართლო სასამართლო გადაწყვეტილებების ასაჩივრებენ, ბუნებრივია, არ მოგეწონებათ და იტყვით, რომ ჩინეთის კომუნისტური პარტია უკეთესია - არასდროს არ მოგთხოვს გამჭვირვალობას, უკეთეს სასამართლოს, უფრო მეტ დემოკრატიას... თქვენ ემსახურებით მტრის ინტერესს",- მიმართა მანჯგალაძემ "ქართული ოცნების" დეპუტატებს.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის