ირანის ხელისუფლებამ განაცხადა, რომ თუ ისრაელი უპასუხებს მის ტერიტორიაზე თავდასხმას, თეირანის შემდეგი ნაბიჯი კიდევ უფრო ძლიერი იქნება.

ირანის შტაბის უფროსმა, მოჰამედ ბაგერიმ ირანის სახელმწიფო ტელევიზიას განუცხადა, რომ ირანის სამხედროების პასუხი შესაძლო კონტრშეტევაზე „ბევრად დიდი“ იქნება.

ირანმა ასევე გააფრთხილა ვაშინგტონი, რომ ისრაელის პასუხის მხარდაჭერა გამოიწვევს ამერიკულ ბაზებზე თავდასხმას რეგიონში.

ირანის ისლამური რევოლუციის გუშაგთა კორპუსის მეთაური, მოჰამედ ბაგერი, აცხადებს, რომ ისრაელის წინააღმდეგ ოპერაცია წარმატებით დასრულდა.

„წარმატებით დასრულდა ჩვენი ოპერაცია, რომლის მიზეზი გახდა ისრაელის მიერ ირანის წითელი ხაზების გადალახვა. თუ ისრაელი ჩვენზე იერიშს განახორციელებს, ჩვენი შემდეგი პასუხის პასუხი გაცილებით მასშტაბური იქნება“.

ირანის მისიამ გაეროში ადრე განაცხადა, რომ ისრაელზე მასიური დარტყმის შემდეგ, თეირანი მიიჩნევს, რომ „საკითხი მოგვარებულია“, ვინაიდან ირანმა უკვე გამოიყენა თავდაცვის უფლება გაეროს წესდების 51-ე მუხლის მიხედვით.

ირანის ხელისუფლებამ ასევე განაცხადა, რომ ისრაელმა „კიდევ ერთი შეცდომა არ უნდა დაუშვას“.

არაბულ მედიაში წერენ, რომ ირანმა შვეიცარიის მეშვეობით შეერთებულ შტატებს შეატყობინა, რომ მისი ბაზები სამხედრო სამიზნე გახდებოდა, თუ ვაშინგტონი მხარს დაუჭერდა ისრაელის საპასუხო დარტყმას.

ავტორი: ექსპრესნიუსი,

სოციალური ქსელები

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია