პოლონეთში რუსეთის ფედერაციის ელჩმა, სერგეი ანდრეევმა, რომელიც ქვეყნის საგარეო საქმეთა სამინისტროში იყო დაბარებული, უწყებაში მისვლაზე უარი განაცხადა. ამის შესახებ რუსული მედია წერს.

პოლონეთის საგარეო საქმეთა სამინისტროს წარმომადგენლის, პაველ ვრონსკის თქმით, დიპლომატი უწყებაში არ გამოჩენილა.

მისივე განცხადებით, დიპლომატიური ნოტა რუსეთის საგარეო საქმეთა სამინისტროს "სხვაგვარად" გადაეცემა.

"ჩავთვალე, რომ აზრი არ ჰქონდა ამ თემის განხილვას მტკიცებულებების წარდგენის გარეშე და უარი ვთქვი პოლონეთის საგარეო საქმეთა სამინისტროში შესვლაზე",- განუცხადა თავად ელჩმა რუსულ სამთავრობო-პროპაგანდისტულ მედია "რია ნოვოსტს".

შეგახსენებთ, პოლონეთის საგარეო საქმეთა სამინისტროში რუსეთის ელჩი სერგეი ანდრეევი მას შემდეგ დაიბარეს, რაც 24 მარტის ღამეს, რუსეთის მიერ უკრაინას შეტევისას, ერთ-ერთმა რაკეტამ პოლონეთის საჰაერო სივრცე დაარღვია.

ავტორი: ექსპრესნიუსი,

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები